Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 4 ʼo Sanualio ki te vāhaʼa ʼo te ʼaho 19 ʼo ʼApelili 1999. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]

Koutou tohi “moʼoni” peʼe “hala” ki te ʼu fehuʼi ʼaenī:

1. ʼI te taʼu 1884 neʼe tohi ʼi te ʼu lao ʼo te Sosiete, ʼe gata pe tana gāue ki te tā tohi. [jv p. 576 § 1.]

2. Ko te logo tahi ʼa te famili pea mo te tuputupu ʼa te fānau ʼi te faʼahi fakalaumālie ʼe fakalogo katoa ki te ʼu mātuʼa. (Taag. 22:6) [fy p. 85 § 19.]

3. Mai tona ʼuhiga ʼaē neʼe ‘nono te agahala ʼi te hūʼaga,’ koia neʼe mole feala ai kia Kaino ke ina tekeʼi te fai ʼo te agahala mamafa. (Sen. 4:7) [Lau ʼo te Tohi-Tapu; vakaʼi te w94 15/6 p. 14 § 11.]

4. Ka lahilahi ake he tūpulaga, pea ʼe fakagafua age kia ia ke ina filifili faʼitaliha tona ʼu temi fakafiafia. [fy p. 73 § 20.]

5. ʼE lelei age te tala ʼo te logo ʼo te Puleʼaga ʼaki te lātio pe ko te televisio ʼo feiā pe mo te tahi ʼu faʼahiga fai. [jv p. 572 § 2.]

6. ʼE fakaʼosi te Tohi-Tapu ʼaki te tohi Apokalipesi, he neʼe tohi fakamuli e te ʼapositolo ko Soane. [si p. 248 § 1.]

7. Ko te ʼu fakatotonu, mo te ʼu lekula, pea mo te ʼu lao ʼa Sehova ia Senesi 26:5 neʼe toʼo mai te fuakava ʼo te Lao. [Lau ʼo te Tohi-Tapu; vakaʼi te w92 1/7 p. 10 § 8.]

8. Logope la neʼe fakahā ʼe Sosafate neʼe ko he hau neʼe falala kia Sehova, kae neʼe agavale ʼi tana fai te fuakava mo Akape ʼo ʼuhiga te ʼohoana. [ad p. 843 § 10, 11.]

9. ʼE hā lelei ia Apokalipesi 13:11-​15 neʼe liliu te Mālohi Faka Malamanei ʼo Pilitania pea mo Amelika ko te pule takitaki pea neʼe nā fakatupu te Sosiete ʼo te ʼAtu ʼu Puleʼaga ʼaē neʼe liliu ki muli age ko te Kautahi ʼo Te ʼAtu Puleʼaga Fakatahi. [Lau ʼo te Tohi-Tapu; vakaʼi te w88 15/12 p. 19 § 3.]

10. Neʼe ko Setelo, te pelepitelo ʼi Matiane, ʼaē neʼe ina ʼui age kia Moisese ke ina hinoʼi he ʼu hahaʼi ke nātou tokoni ki ai ʼo ʼuhiga mo te takitaki. [ad p. 820 § 8.]

11. Logope la ʼe ʼui e te Tohi-Tapu neʼe pule te Hau heʼe agatonu ko Solame ki te puleʼaga ʼo te potu tokelau ʼo Iselaele, kae ʼe mole tou ʼiloʼi pe ko ai tana ʼu mātuʼa pea neʼe mate feafeaʼi. [ad p. 842 § 9, 843 § 2.]

Koutou tali ki te ʼu fehuʼi ʼaenī:

12. Koteā ʼaē neʼe fia ʼui e Satana ia Senesi 3:​1-5? [Lau ʼo te Tohi-Tapu; vakaʼi te w95 15/7 p. 5 § 2.]

13. Ia Apokalipesi 19:15, koteā ʼaē ʼe ina fakatātā te “heleta [“loa,” MN] masila” ʼaē ʼe haʼu mai te gutu ʼo Sesu? [Lau ʼo te Tohi-Tapu; vakaʼi te w90 15/5 p. 4 § 5.]

14. Koteā te meʼa ʼaē kua tui mālohi kiai te kau Fakamoʼoni ʼa Sehova, ʼaē ʼe ina uga ai nātou ke nātou liliu ko he kau Kilisitiano ʼe nātou gāue mālohi ki te tā pea mo te tufa ʼo te ʼu tohi faka Tohi-Tapu? [jv p. 603 § 3.]

15. Neʼe ‘fetapā feafeaʼi ia Apalahamo ki te huafa ʼo Sehova’? (Sen. 12:8) [Lau ʼo te Tohi-Tapu; vakaʼi te w89 1/7 p. 20 § 9.]

16. ʼO mulimuli kia Apokalipesi 1:7, ko nātou ʼaē neʼe nātou hukiʼi ia Sesu ʼe nātou mamata feafeaʼi anai ki tana “haele mai . . . mo te u ao”? [Lau ʼo te Tohi-Tapu; vakaʼi te w93 1/5 p. 22 § 7.]

17. Koteā ʼaē neʼe lagi tupu ai te mafuli ʼa te ʼohoana ʼo Lote ʼo sio ki muli pea liliu ai ko he maka māsima? (Sen. 19:26) [Lau ʼo te Tohi-Tapu; vakaʼi te w90 15/4 p. 18 § 10.]

18. Ko ai ʼaē ʼe ina fakatātā te kau miliate kautau heka hōsi ʼaē ʼe talanoa kiai ia Apokalipesi 9⁠:​16-19? [Lau ʼo te Tohi-Tapu; vakaʼi te w94 15/5 p. 28 §§ 14, 15; re p. 152 §§ 14, 15.]

19. ʼI te ʼōloto ʼo Eteni neʼe feafeaʼi te ʼu palalau ʼaē neʼe fai e te gata moʼo fakahalaʼi ia Eva? (Sen. 3⁠:⁠1) [Lau ʼo te Tohi-Tapu; vakaʼi te w84 1/12 p. 31.]

20. ʼE tonu ke tou mahino feafeaʼi kia Senesi 9⁠:​5, ʼaē neʼe ʼui ai e te ʼAtua ‘ ʼe ina toe fakaʼui anai’ ki te manu te toto ʼo te tagata ʼaē neʼe ina matehi? [Lau ʼo te Tohi-Tapu; vakaʼi te w76 p. 255.]

21. He koʼe neʼe ʼui e Isaake ko Lepeka neʼe ko tona tokolua? (Sen. 26⁠:⁠9) [Lau ʼo te Tohi-Tapu; vakaʼi te w85 1/3 p. 31 § 8.]

Koutou fakakatoa te ʼu kupuʼi palalau ʼaenī:

22. Neʼe fakahoko e ․․․․․․․․ te fakapapau ʼa Isaia ʼaē neʼe ina ʼui ko te “aka ʼo Sese” ʼe tuʼu anai “ohage ko he fakaʼiloga maʼa te hahaʼi” pea ko te ʼu puleʼaga ʼe nātou ‘haga anai ki ai ʼo fai fehuʼi.’ (Isa. 11:10) [ad p. 802 § 9.]

23. ʼE ․․․․․․․․ katoa te tohi ʼo Senesi pea ʼe ․․․․․․․․ mo te toe ʼo te Tohi-Tapu. [si p. 14 § 9.]

24. Ko te faʼifaʼitaki ʼa Lopoame pea mo Elia, ʼe tokoni ki te ʼu mātuʼa ke ʼaua naʼa nātou ․․․․․․․․, peʼe nātou ․․․․․․․․. [fy p. 80-1 § 9-13.]

Koutou fakaʼiloga te ʼu tali ʼaē ʼe totonu:

25. Ko he akonakiʼi (ʼe fefeka; ʼe mālū; ʼe fai fakalelei) ʼe ko te fakamoʼoni ʼaia ko te ʼu mātuʼa ʼe nā ʼoʼofa ki tanā tamasiʼi. (Hep. 12:​6, 11) [fy p. 72 § 18.]

26. Ko Senesi 7:​6, 11 ʼe ina fakahā mai ʼe ko te taʼu (2970; 2370; 2020) ʼi muʼa ʼo totatou temi, ʼaē ‘neʼe hoko ai te tulivio ʼi te kele.’ [Lau ʼo te Tohi-Tapu; vakaʼi te si p. 282 te paki.]

27. ʼI te taʼu 1878, neʼe ʼahiʼahiʼi ia C. T. Russell pea mo tona ʼu tēhina, ʼo ʼuhiga mo tanatou tui pea mo tanatou agatonu ki te Folafola ʼa te ʼAtua. Neʼe fakafihiʼi (pe ko ai te “tagata kaugana agatonu mo poto”; te ʼi henī fakapulipuli ʼo Sesu; te maʼuhiga ʼo te sakilifisio ʼo te kakano ʼo Sesu pea mo tona taʼataʼa). [jv p. 619 § 3.]

28. ʼI te fakahoko fakaʼosi ʼo Senesi 22:18, ko te hāko ʼe ko (Isaake; te kau Iselaelite; Sesu pea mo te toko 144 000). [Lau ʼo te Tohi-Tapu; vakaʼi te w98 1/2 p. 14 § 8.]

29. ʼI te taʼu (1877; 1879; 1881), neʼe tā e Charles T. Russell te kaupepa The Object and Manner of Our Lord’s Return (Te fakatuʼutuʼu pea mo te agaaga ʼo te toe liliu mai ʼo totatou ʼAliki), pea ʼi te taʼu (1877; 1879; 1881) neʼe ina kamata tā te nusipepa Le Phare de la Tour de Sion et Messager de la Présence de Christ. [jv p. 557 § 1.]

30. Ia Apokalipesi 11:11, ko te faka ʼuhiga ʼo te ʼu “aho e tolu . . . mo te vaelua,” ʼaē ʼe hage ai te toe ʼo te kau fakanofo ko he ʼu sino mate kia mata ʼo tonatou ʼu fili, ko tona faka ʼuhiga (ʼe ko taʼu tolu vaelua; ko he kiʼi temi nounou; ko māhina e tolu vaelua). [Lau ʼo te Tohi-Tapu; vakaʼi te w94 15/6 p. 27 § 21; te re p. 167 § 21.]

Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau ʼaenī:

Taag. 5:​3, 4; Taag. 15:22; Taag. 20:11; Apk. 1⁠:10; Apk. 14⁠:16

31. ʼE maʼuhiga ki te ʼu mātuʼa ke nātou ʼiloʼi papau peʼe tui moʼoni tanatou fānau ki te maʼuhiga ʼaē ke nātou maʼuli maʼa pea mo nātou fai te ʼu aga ʼaē ʼe lelei. [fy p. 67 § 8.]

32. Ko te fai palalau ʼāteaina ʼa te ʼu mātuʼa pea mo tanā fānau lalahi ʼe maʼuhiga moʼo taupau ʼo he ʼu felogoi lelei. [fy p. 65 § 4.]

33. Talu mai te taʼu 1919, ko Kilisito Sesu pea mo tana kau ʼaselo neʼe nātou fakaʼosi te tānaki ʼo te toe ʼo te kau fakanofo, pea talu mai te taʼu 1931 ki te taʼu 1935, ko te hahaʼi tokolahi ʼaē ʼe tānaki. [Lau ʼo te Tohi-Tapu; vakaʼi te w94 1/10 p. 24 § 23; te re p. 212 § 23.]

34. Neʼe kamata te temi ʼaia ʼaki te fakanofo Hau ʼo Sesu ʼi te lagi pea ʼe fakaʼosi anai mokā liufaki anai e Sesu te Puleʼaga ki tona ʼAtua pea mo Tāmai. [Lau ʼo te Tohi-Tapu; vakaʼi te w93 15/8 p. 23 § 2; te re p. 22 § 2.]

35. Moʼo tekeʼi te fakahala ʼo te ʼu aga heʼeʼaoga, ʼe tonu ke tou mahino ki te kovi ʼo te ʼu meʼa ʼaia pea ke tou ʼiloʼi ʼe ʼi ai tona ʼu fua kovi. [fy p. 93 § 9.]