Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 4 ʼo Sepetepeli ʼo aʼu ki te vāhaʼa ʼo te ʼaho 18 ʼo Tesepeli 2000. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” ki te ʼu fehuʼi ʼaenī:
1. Neʼe tāʼofi e Tavite ia Apisai ke mole ina matehi ia Simeni, he neʼe ko te hala ʼa Tavite ʼaē neʼe tupu ai tona tukugakoviʼi e Simeni. (2 Sam. 16:5-13) [Lau ʼo te Tohi-Tapu; vakaʼi te w99 1/5 p. 32 § 3.]
2. ʼI te 1530, neʼe ko William Tyndale te ʼuluaki tagata ʼaē neʼe ina fakaʼaogaʼi te huafa ʼo te ʼAtua, ko Sehova, ʼi te fakaliliu Fakapilitānia ʼo te ʼu Tohi Faka Hepeleo. [Vakaʼi te w97 15/9 p. 28 § 3.]
3. Ko te fakamatala ʼo 1 Hau ʼe ʼaoga pe ia maʼa he Kilisitiano ʼuhi ko te faʼahi faka hisitolia, koteʼuhi ʼi te ʼu hau e 14 ʼaē neʼe nātou puleʼi ia Iselaele pea mo Suta ʼi te ʼosi mate ʼo Salomone, neʼe ko hau pe e 2 ʼaē neʼe nā fai te meʼa ʼaē ʼe lelei ia mata ʼo Sehova. [si p. 64 § 1]
4. Ko te ʼAfio ʼa Sesu ia Taʼu e Afe, ʼe feala ke fakatatau ki te ʼu taʼu e 40 ʼaē neʼe ʼafio hau ai ia Salomone ʼi te manuʼia pea mo te tokalelei. (1 Hau 4:24, 25, 29) [Lau ʼo te Tohi-Tapu; vakaʼi te w90 1/6 p. 6 § 5.]
5. Ko te ʼavaifo fakaʼaliʼaliki ʼa Apisa ʼe ko he fakamoʼoni ʼaia, neʼe ko he tagata tauhi agatonu kia Sehova, te tagata pe ʼaia e tahi mai te ʼapi ʼo Selopoame. (1 Hau 14:10, 13) [Lau ʼo te Tohi-Tapu; vakaʼi te w95 1/4 p. 12 § 11.]
6. ʼI ʼihi temi ʼe tonu ke tou talitali ke foaki mai e Sehova te ʼu tapuakina, koteʼuhi ʼe ina ʼiloʼi totatou ʼaluʼaga, pea ʼe ina foaki mai te ʼu meʼa ʼaē ʼe ʼaoga kia tatou ʼi te temi ʼaē ʼe ʼaoga tonu ai kia tatou. (Pes. 145:16; Skp. 1:17) [Vakaʼi te w98 1/1 p. 23 § 5.]
7. Neʼe foaki e Sehova he lototoʼa makehe kia Elia, pea neʼe tokoni kia ia ke ʼaua naʼa mataku. (1 Hau 18:17, 18, 21, 40, 46) [Lau ʼo te Tohi-Tapu; vakaʼi te w98 1/1 p. 31 § 2.]
8. Ko te fakamatala lelei ʼaē neʼe fai e Sosue pea mo Kalepe, neʼe fakatafito ki tanā tui papau ki te mālohi pea mo te loto moʼoni ʼo te kau Iselaele ke nātou tauʼi te ʼu faigataʼaʼia fuli ʼaē ka nātou tāʼofi tanatou maʼu te Kele ʼo te Fakapapau. (Fkau. 13:30) [Vakaʼi te w98 1/2 p. 5 § 4.]
9. ʼI tana talanoa ki “te meʼa ʼofa” ʼaē ia 1 Timoteo, neʼe fakamanatuʼi age e Paulo kia Timoteo kua fakanofo ʼaki te laumālie maʼoniʼoni, pea ʼe ina maʼu anai te fakapale ʼi selo. (1 Tim. 4:14) [Vakaʼi te w98 15/2 p. 25 § 1.]
10. “Ko te kato ʼo te maʼuli” ʼe faka ʼuhiga ki te fakatuʼutuʼu ʼo te ʼAtua, ke ina puipui pea mo hāofaki, pea neʼe lava ʼaoga kia Tavite te faʼahi ʼaia mo kapau neʼe mole ina fai he ligi toto ia mata ʼo te ʼAtua. (1 Sam. 25:29) [Lau ʼo te Tohi-Tapu; vakaʼi te w91 15/6 p. 14 § 3.]
11. Ko te fuakava ʼaē neʼe fai mo Tavite ʼo ʼuhiga mo te Puleʼaga, ʼaē ʼe talanoa kiai ia 2 Samuele 7:16, neʼe ina fakahā lelei ai te Hōloga ʼaē neʼe fakaaʼu ki te Mesia, pea neʼe ko he fakamoʼoni ʼaia, ko he tahi ʼo te hōloga ʼo Tavite, ʼe nofo hau anai “ ʼo aʼu ki he ʼu temi ʼe heʼegata.” [Lau ʼo te Tohi-Tapu; vakaʼi te w89 1/2 p. 14 § 21–p. 15 § 22.]
Koutou tali ki te ʼu fehuʼi ʼaenī:
12. Koteā te fakamoʼoni faka Tohi-Tapu ʼaē ʼe ina fakahā mai, ko te kaugana ko Onesimo ʼaē neʼe hola, neʼe nofo ʼi he temi mo te ʼapositolo ko Paulo ʼi muʼa ʼo te faitohi ʼa Paulo kia Filemone? [Vakaʼi te w98 15/1 p. 30 § 2.]
13. Koteā te faka ʼuhiga ʼo te koga tohi ʼo 2 Samuele 18:8, ʼaē ʼe ʼui fēnei ai: “Neʼe lahi age te hahaʼi ʼaē neʼe kai e te vao matuʼa ʼi te hahaʼi ʼaē neʼe kai e te heletā”? [Lau ʼo te Tohi-Tapu; vakaʼi te w87 15/3 p. 31 § 2.]
14. Ko ai ia ʼaho nei ʼe feala ke fakatatau ki te ʼu kāiga ʼo Koliate, te kau Lefaime, pea koteā te meʼa ʼaē ʼe nātou fia fai? (2 Sam. 21:15-22) [Lau ʼo te Tohi-Tapu; vakaʼi te w89 1/1 p. 20 § 8.]
15. Ia 2 Samuele 6:6, 7, koteā te pelesepeto faka Tohi-Tapu ʼaē ʼe ʼaoga kia tatou? [si p. 64 § 30]
16. Ka tou sio ki te ʼu aga heʼe faitotonu peʼe ka hoko mai kia tatou te ʼu meʼa ʼaia, koteā ʼaē ʼe tou lava fai ke ʼaua naʼa tou heʼe falala peʼe lotovaivai? [Vakaʼi te w98 1/2 p. 6 §§ 1-3.]
17. Koteā te meʼa ʼaē ʼe tou lava fai moʼo faʼifaʼitakiʼi te fineʼaliki ʼo Sepa, ʼaē neʼe ina fai te fagona loaloaga ke ʼalu ʼo logo ki “te poto ʼo Salomone”? (1 Hau 10:1-9) [Lau ʼo te Tohi-Tapu; vakaʼi te w99 1/7 p. 31 §§ 1-2.]
18. ʼO mulimuli kia 1 Hau 17:3, 4, 7-9, 17-24, koteā te ʼu ʼaluʼaga e tolu ʼaē neʼe fakahā ai e Elia tana tui kia Sehova? [Lau ʼo te Tohi-Tapu; vakaʼi te w92 1/4 p. 19 § 5, Fakafalani.]
19. Koutou fakahā mai te ʼu tapuakina e tolu ʼaē ʼe kita maʼu mokā kita fakavikiviki fakamalotoloto he tahi heʼe lelei tana aga. (Vakaʼi ia Tāʼaga Lea 15:23.) [Vakaʼi te w98 1/2 p. 31 §§ 5-6.]
20. Kapau ʼe tou kaugā gāue mo te hahaʼi, pea koteā te tokoni lelei ʼaē ʼe tou lava taupau ʼi totatou loto ohage ko tona tohi ia 2 Samuele 12:26-28? [Lau ʼo te Tohi-Tapu; vakaʼi te w93 1/12 p. 19 § 19.]
Koutou fakakatoa te ʼu kupuʼi palalau ʼaenī:
21. Kapau ʼe tou fia maʼu katoa te ʼu tapuakina ʼa Sehova, pea ʼe tonu ke tou haga ․․․․․․․․ pea mo tou kole kia Sehova ke tokoni mai ke tou ․․․․․․․․ te ʼu akonaki ʼo tana Folafola. (1 Tim. 4:8, 9) [Vakaʼi te w98 1/1 p. 24 § 6.]
22. ʼE mole leleiʼia e Sehova te fakalai, koteʼuhi ʼe kita fai te faʼahi ʼaia ․․․․․․․․, ʼe mole ․․․․․․․․ pea ʼe mole ko he ․․․․․․․․, pea tāfito, ʼe mole ko he ․․․․․․․․. [Vakaʼi te w98 1/2 p. 30 §§ 2-3.]
23. ʼO mulimuli ki te lea fakatātā ʼaē neʼe fai e Sesu ia Mateo 7:24-27, ko te ʼu mātuʼa popoto ʼe nātou lava tokoni ki tanatou fānau ke nātou tekeʼi te ʼu fakahala ʼo te mālama ʼaē ʼe hage he afā, ʼo nātou akoʼi age kia nātou ․․․․․․․․ ʼaē ka tokoni kia nātou ke nātou ․․․․․․․․. [Vakaʼi te w98 15/2 p. 9 § 1.]
24. Ko Elia pea mo Saulo neʼe nā lākahala, heʼe ko Elia neʼe ․․․․․․․․ pea ko Saulo neʼe ․․․․․․․․. [si p. 58 § 27]
Koutou fakaʼiloga te ʼu tali ʼaē ʼe totonu:
25. Neʼe ko (Satana; Sehova; Soape) ʼaē neʼe ina fakaneke ia Tavite ke agahala ‘ ʼo fakaʼau te kaugamālie ʼo Iselaele.’ (2 Sam. 24:1) [Lau ʼo te Tohi-Tapu; vakaʼi te w92 15/7 p. 5 § 2.]
26. Ko te fai ʼo he ʼu fakatuʼutuʼu ʼo ʼuhiga mo tokita ʼu koloā ʼi muʼa ʼo tokita mate, ʼe (fakalogo ki te kokelekasio; ʼa kita tokotahi tona vakaʼi; fakamaʼua ki te kau Kilisitiano moʼoni). (Kal. 6:5) [Vakaʼi te w98 15/1 p. 19 § 6.]
27. Ko te ʼu 20 taʼu ʼaē neʼe laga ai e Salomone te fale lotu pea mo tona ʼapi ʼi Selusalemi, ʼe fakatatau ki te temi ʼaē neʼe hoko ai te ʼu fetogi ʼi te ʼu akonaki pea mo te ʼu fakatuʼutuʼu ʼaē neʼe kamata ʼi te (1919; 1923; 1931) pea neʼe fakaʼosi ʼi te (1938; 1942; 1950). (1 Hau 9:10) [Lau ʼo te Tohi-Tapu; vakaʼi te kiʼi talanoa ʼi te w92 1/3 p. 20.]
28. Neʼe fakaloto mālohiʼi e Paulo ia Filemone ke ina tali leleiʼi ia (Oname; Onesifolo; Onesimo), kae neʼe mole ina fakaʼaogaʼi tona tuʼulaga ʼapositolo moʼo fakatotonu age ki ai ke ina fai te faʼahi ʼaia, peʼe ke ina faka ʼāteaina tana tagata kaugana. (Film. 21) [Vakaʼi te w98 15/1 p. 31 § 1.]
29. Ko te hala mamafa ʼaē ʼe tou maʼu ʼi te fakamatala ʼo ʼuhiga mo te ʼu tagata kilia ʼaē neʼe fakamālōlō e Sesu, ʼe ko tanatou (mole tui; talagataʼa; maʼuli galo). (Luka 17:11-19) [Vakaʼi te w98 15/2 p. 5 § 1.]
30. Ko te minisitelio ʼa (Tavite; Samuele; Sonatane) ʼi tona temi tūpulaga, ʼe tonu ke ina fakaloto mālohiʼi te kau tūpulaga ke nātou kau ki te minisitelio ia ʼaho nei, pea ko tana faʼa kātaki ʼi tana gāue ʼo aʼu ki tana mate, ʼe tonu ke ina fakaloto mālohiʼi mo nātou ʼaē kua matutuʼa. [si p. 58 § 30]
Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau ʼaenī:
1 Sam. 30:24, 25; 2 Sam. 12:28; 2 Sam. 15:18-22; Mat. 14:6; Ef. 6:4
31. ʼE tonu ke tou fakaʼapaʼapa ki te ʼuhiga pule ʼi te ʼu fakatuʼutuʼu faka teokalatike ʼa Sehova. [si p. 64 § 30]
32. ʼE tonu ke tou nofo agatonu tuʼumaʼu ki te kautahi ʼa Sehova pea mo tona ʼu fakafofoga. [si p. 64 § 30]
33. ʼE loto fakafetaʼi ʼaupito ia Sehova ki te hahaʼi ʼaē ʼe nātou lagolago ki tana kautahi ia ʼaho nei. [Lau ʼo te Tohi-Tapu; vakaʼi te w86 1/9 p. 28 § 4.]
34. ʼE ko he maʼua ʼa te ʼu mātuʼa ke nātou akoʼi tanatou fānau ʼo ʼuhiga mo te maʼuli. [td 29C]
35. ʼI te Tohi-Tapu, neʼe ko te kau pagani ʼaē neʼe nātou fai te ʼu ʼaho tupu. [td 5A]