Te ʼu Tonu

◼ Te tufa ʼo Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga anai ke tou kamata he ʼu ako Tohi-Tapu. ʼApelili Mo Maio: Te ʼu nusipepa Te Tule Leʼo pea mo te Réveillez-vous ! Kapau ʼe fia fakalogo te ʼu ʼaʼahi, pea ʼe tou lava apone nātou. Tuku age mo te tohi Te ʼAtamai Mālama peʼe ko te kaupepa Fakamaʼua, ʼo koutou fakatuʼutuʼu ke koutou kamata he ʼu ako Tohi-Tapu. Sūnio: Koteā ʼAē ʼe Fakamaʼua Mai e Te ʼAtua Kia Tatou? peʼe ko Te ʼAtamai Mālama ʼAē ʼe Ina Taki Ki Te Maʼuli Heʼegata. Koutou faiga tāfito ke kamata he ʼu ako Tohi-Tapu.

◼ Ko te ʼu kaugā fagona ʼaē ʼe nātou fia pionie vaeluaʼi temi ʼi ʼApelili ʼe tonu ke nātou fai hanatou ʼu fakatuʼutuʼu ʼi te temi nei, pea mo nātou foimo fakaliliu tanatou pepa pionie. ʼE tokoni anai te faʼahi ʼaia ki te kau tagata ʼāfea ke nātou fai te ʼu fakatuʼutuʼu ʼaē ʼe ʼaoga ki te fai faka mafola, pea ke feʼauga mo te ʼu nusipepa pea mo te ʼu tohi ʼaē ʼe maʼu. Ko te ʼu higoa ʼo nātou fuli ʼaē ʼe nātou pionie vaeluaʼi temi ʼe tonu ke tala ki te kokelekasio.

◼ ʼE fai anai te Fakamanatu ʼi te ʼAhotapu, ʼaho 8 ʼo ʼApelili 2001. ʼE mole fai anai he fono ʼi te ʼaho ʼaia, gata pe te ʼu fono ki te fai faka mafola. ʼE feala ke fai e te ʼu tagata ʼāfea he ʼu fakatuʼutuʼu lelei ke fai te Ako ʼo Te Tule Leʼo ʼi he tahi ʼaho.

◼ Ko nātou ʼo te kokelekasio ʼe tonu ke nātou momoli te ʼu apone ʼaē ʼe fakafoʼou ki Te Tule Leʼo pea mo te Réveillez-vous ! pea mo tanatou ʼu apone totonu.

◼ ʼE mole vakaʼi e te Sosiete te pepa kole tohi takitahi ʼo te ʼu kaugā fai faka mafola. ʼE tonu ke fakatuʼutuʼu e te taupau pelesita ke fai ʼi te māhina fuli ʼi muʼa ʼo te momoli ki te Sosiete te ʼu pepa kole tohi ʼo te māhina ʼo te kokelekasio, ke tala kia nātou fuli ʼaē ʼe loto ki he ʼu tohi ke nātou fakahā ki te tēhina ʼaē ʼe ina fakaʼui te ʼu tohi. Koutou manatuʼi ʼe ʼi ai te ʼu tohi ʼe ko he fakaʼui makehe.

◼ Te Tohi Foʼou:

Te Tohi ʼo Te ʼu Hisitolia Faka Tohi-Tapu​—⁠Fakaʼuvea

◼ Kua Toe Maʼu Te Tohi:

Recueil d’histoires bibliques (veliveli)​—⁠Fakafalani