Te ʼu Tonu

◼ Te tufa ʼo Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. ʼApelili Pea Mo Maio: Te Tule Leʼo pea mo te Réveillez-vous ! ʼE feala ki te kau fai faka mafola ke nātou fakahā ki te hahaʼi, kapau ʼe nātou loto kiai, pea ʼe feala ʼaki tanatou ʼu meʼa ʼofa, ke nātou lagolago ki te gāue ʼaē ʼe fai ʼi te malamanei katoa. Kapau ʼi takotou ʼu ʼaʼahi ʼe fia logo te hahaʼi, pea ʼe feala ke koutou apone nātou. Koutou tuku age te kaupepa Fakamaʼua, ʼo koutou faiga mālohi ke koutou kamata he ʼu ako Tohi-Tapu. Sūnio: Koteā ʼAē ʼe Fakamaʼua Mai e Te ʼAtua? peʼe ko Te ʼAtamai Mālama ʼAē ʼe Ina Taki Ki Te Maʼuli Heʼegata. Kapau kua maʼu te ʼu tohi ʼaia e te hahaʼi, pea koutou vakaʼi ʼi te ʼu tohi ʼaē ʼe maʼu ʼi te kokelekasio, he tohi ʼe ʼaoga anai kia nātou.

◼ Ko te kau fai faka mafola ʼaē ʼe nātou fia pionie vaeluaʼi temi ʼi ʼApelili, ʼe tonu ke nātou fai he ʼu fakatuʼutuʼu ʼi te temi nei pea mo nātou foimo tohi tonatou pepa fakaʼui pionie. Ko te faʼahi ʼaia ʼe tokoni anai ki te kau tagata ʼāfea ke nātou fai te ʼu fakatuʼutuʼu ʼaē ʼe tonu ke fai ʼo ʼuhiga mo te fai faka mafola, pea ke feʼauga te ʼu nusipepa pea mo te tahi ʼu tohi. Ko te ʼu higoa ʼo nātou fuli ʼaē ʼe tali ke nātou pionie vaeluaʼi temi, ʼe tala anai ʼi te kokelekasio ʼi te māhina fuli.

◼ Ko te Fakamanatu ʼe fai anai ʼi te Felianima, ʼaho 28 ʼo Malesio 2002. Kapau ʼi te agamāhani, ʼe ʼi ai he ʼu fono ʼo tokotou kokelekasio ʼi te Felianima, pea ʼe tonu anai ke fai ʼi he tahi ʼaho ʼo te vāhaʼa, mo kapau ʼe ava te Fale ʼo Te Puleʼaga. Kapau ʼe mole feala ke fai takotou Fono Gāue, pea ko te ʼu koga ʼaē ʼe ʼaoga tāfito ki tokotou kokelekasio, ʼe lagi feala ke fai ʼi he tahi Fono Gāue.

◼ ʼE mole fai e te Sosiete he pepa fakaʼui tohi maʼa te kau faka mafola takitokotahi. ʼI muʼa ʼo te momoli ʼo te pepa fakaʼui tohi ki te Sosiete, ʼe fakahā anai e te tagata taupau pelesita te faʼahi ʼaia ki te kokelekasio, ke feala kia nātou fuli ʼaē ʼe nātou fia fai hanatou ʼu tohi, ke nātou fakalavelave ki te tēhina ʼaē ʼe gāue ʼi te ʼu tohi. Koutou manatuʼi te ʼu tohi ʼaē ʼe fakaʼui makehe.

◼ ʼE Mole Toe Tā Anai Te Tohi:

Manuel pour l’École du ministère théocratique—Fakafalani