Koutou Fai He ʼu Fakatuʼutuʼu Ki Te ʼu Temi Mālōlō!

Neʼe ʼui fēnei e Salomone “ko te ʼu fakatuʼutuʼu ʼa te tagata poto ʼe fua manuʼia moʼoni.” (Taag. 21:5) Koutou fai he ʼu fakatuʼutuʼu ke koutou fakahoko ʼi te ʼu temi mālōlō, te ʼu gāue faka teokalatike ʼaenī:

◼ ʼE feala koa ke koutou pionie vaeluaʼi temi? ʼE feala koa ke lahi age tokotou temi fai faka mafola, pea mo koutou kau ki te fai faka mafola afiafi?

◼ Kapau ʼe koutou ʼolo ʼo haʼele ki tokotou ʼu famili ʼaē ʼe mole ʼi te moʼoni, ʼe koutou maʼu ai anai he ʼu faigamālie ke koutou fai he fagonogono ʼe fua lelei. Koutou ʼave takotou Tohi-Tapu, mo he ʼu tohi pea mo he ʼu nusipepa.

◼ Kapau ʼe koutou ʼolo ʼo mālōlō, koutou fakatuʼutuʼu ke koutou kau ki te ʼu fono pea mo fai faka mafola mo te ʼu tēhina mo tuagaʼane ʼo te koga meʼa ʼaia.

◼ Kapau ʼe ke tagata ʼāfea peʼe ke Tagata Faifekau Faka Minisitelio pea ʼe ke ʼalu ʼo mālōlō, ke ke vakaʼi ke ʼi ai he tahi kehe ʼe ina fai anai tau ʼu gāue ʼi te kokelekasio, pea mo ke fakahā age ki te tagata taupau pelesita.

◼ Koutou momoli tautonu takotou kiʼi pepa tānaki gāue ki te sikalaipe.

◼ Koutou fakaʼaogaʼi te ʼu temi ʼaē ʼe koutou ava ai, moʼo lau te Tohi-Tapu pea mo fai hakotou ako takitokotahi.