Fakamanatu ʼo Te Ako ʼo Te Minisitelio Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 23 ʼo Fepualio 2004. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 5 ʼo Sanualio ʼo aʼu ki te ʼaho 23 ʼo Fepualio 2004. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.​—⁠Vakaʼi te tohi École du ministère pp.36-7.]

HE KALITATE KI TE FAIAKONAKI

1. Koteā ʼaē ʼe feala ke tou fai ke ʼaoga pea mo fua lelei ia te akonaki ʼaē ʼe tou fai ki te nofoʼaki? [be p. 158 pal. 1-3]

2. He koʼe ʼe tonu ke tou filifili lelei te ʼu kupu ʼaē ka tou fakaʼaogaʼi? [be p. 160 pal. 1 pea mo te lua talanoa]

3. Koteā te faʼahi ʼaē ʼe maʼuhiga tāfito moʼo fai he palalau lelei, ohage ko tona ʼui ia 1 Kolonito 14⁠:​9, pea ʼe tou lava mulimuli feafeaʼi ki te pelesepeto ʼaia ʼi tatatou faiakonaki? [be p. 161 pal. 1-4]

4. Ohage ko tona ʼui ia Mateo 5⁠:​3-12 pea mo Maleko 10⁠:​17-21, koteā he agaaga maʼuhiga ʼo te faiakonaki ʼa Sesu ʼe feala ke tou faʼifaʼitakiʼi? [be p. 162 pal. 4]

5. Ka tou palalau ʼi te minisitelio peʼe ko te ʼu fono ʼo te kokelekasio, he koʼe koa ʼe tonu ke tou tokakaga ʼo fakaʼaogaʼi he ʼu kupuʼi palalau ʼe ʼasi ai te mālohi, mo te ʼu meʼa ʼi te loto, pea mo maʼuli? (Mat. 23⁠:​37, 38) [be p.163 pal. 3-p. 164 pal. 1]

AKONAKI N° 1

6. Koteā te kupu tāfito ʼo he akonaki, pea kapau ʼe tou manatuʼi te kupu tāfito ʼaia, pea ʼe lava tokoni feafeaʼi ke kita filifili te ʼu meʼa ʼe tonu ke kita palalau kiai ʼi te faiakonaki, pea mo tona faʼahiga fakaʼaluʼalu? [be p. 39 pal. 6–p. 40 pal. 1]

7. (a) Koteā te faka ʼuhiga ʼo te maʼa ʼi te faʼahi fakalaumālie, pea he koʼe koa ʼe feala ke ʼui ko te maʼa fakalaumālie ʼe maʼuhiga age ʼi te maʼa fuli? (b) ʼE lava feafeaʼi ki he kau Kilisitiano ke ʼaua naʼa nātou tali ia te ʼu aga heʼe maʼa ʼaē kua mafola ʼi te malamanei? [w02 1/2 pp. 5-6]

8. ʼI te ʼu pelesepeto fuli, ko te ʼu pelesepeto fea ʼaē ʼe maʼuhiga tāfito? [w02 15/2 p. 5 pal. 1, 4, 6]

9. Koteā koa te lotomahino, pea neʼe fakahā feafeaʼi e Sesu ia te kalitate ʼaia? [w02 15/4 p. 25 pal. 4-5]

10. ʼE faka ʼuhigaʼi feafeaʼi ia Tāʼaga Lea 11⁠:11 ki te ʼu kokelekasio ʼo te hahaʼi ʼa Sehova? [w02 15/5 p. 27 pal. 1 ki te 3]

LAU ʼO TE TOHI-TAPU

11. Koteā ʼaē neʼe fakatātā e “te fuʼu ʼakau ʼo te maʼuli” ʼaē ʼe talanoa kiai ia Senesi 2⁠:9? [it-2 p. 1148, pal. 1, w99 15/4 pp.7-8]

12. He koʼe koa neʼe mate te ʼohoana ʼo Lote? (Sen. 19⁠:26) [wF90 15/4 p. 18 pal. 10]

13. ʼI te fakakikite ʼo Senesi kapite 24, ko ai ʼaē ʼe fakatātā e (a) Apalahamo, (b) Isaake, (c) te tagata kaugana ʼa Apalahamo ko Eliesele, (d) te ʼu kamelo e hogofulu, pea mo (e) Lepeka? [wF89 1/7 pp 27-8]

14. Neʼe kua fai fakatomuʼa koa e te ʼAtua he fakatuʼutuʼu ʼo ʼuhiga mo Sakopo mo Esau? (Sen. 25⁠:23) [rs p. 103 pal. 3]

15. Neʼe ko te faʼahi fea ʼaē neʼe tuku ai e Lasele he faʼifaʼitaki lelei ʼo ʼuhiga mo he tahi ʼe faiga mālohi ʼo maʼu ai te tapuakina ʼa Sehova? (Sen. 30⁠:​1-8) [w02 8/1 pp. 29-​30]