Te ʼu Tonu

◼ Te tufa ʼo te ʼu māhina ʼo Sānualio Mo Fepualio: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata peʼe ko te kaupepa lahi Fakamaʼua. Malesio: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? pea ʼe tou faiga mālohi anai ke tou kamata he ʼu ako Tohi-Tapu. ʼApelili: Ko Te Tule Leʼo pea mo te Réveillez-vous ! Kā kotou ʼaʼahi te hahaʼi ʼaē ʼe fia logo, kotou ʼaʼahi mo nātou ʼaē neʼe ʼomai ki te ʼAho Fakamanatu peʼe ki te tahi ʼu fakatahi faka teokalatike, kae ʼe mole ʼomai putuputu ki te kōkelekāsio, pea kotou faiga ke kotou kamata he ʼu ako Tohi-Tapu mo te tohi Te Ako Mai Te Tohi-Tapu.

◼ ʼO kamata ʼi Fepualio ʼo kaku ki te ʼaho 4 ʼo Malesio, ʼe fai anai e te ʼu tagata taupau faka silikō ia te akonaki foʼou ki te kaugamālie, ko tona kupu tāfito “Te Mālama Foʼou ʼo Te ʼAtua​—Ko Ai ʼAē Kā Tuha Ke Hū Kiai?”

◼ ʼI he Fono Gāue ʼo ʼApelili ʼe fai anai he faifai palalau ki te foʼi ʼata viteo Les jeunes sʹinterrogent . . . Que vais-je faire de ma vie ? Kapau ʼe ʼaoga, kotou foimo fakaʼui ʼi tokotou kōkelekāsio ia te foʼi ʼata ʼaia.

◼ ʼE tonu ke fai e te ʼu kōkelekāsio he ʼu fakatuʼutuʼu lelei ke fai te ʼAho Fakamanatu ʼo te mate ʼo Sesu ʼi te taʼu ʼaenī, ʼi te Mōnite, ʼaho 2 ʼo ʼApelili, ʼi te ʼosi tō ʼo te laʼā. Logolā ʼe feala ke kamata te akonaki ʼi muʼa ʼo te tō ʼo te laʼā, kae ko te vino pea mo te pane ʼe tonu anai ke feʼāveʼaki ʼi te ʼosi tō ʼo te laʼā. Kotou vakaʼi fakalelei peʼe ko te temi fea ʼaē kā tō ai te laʼā ʼi te koga meʼa ʼaē ʼe kotou nonofo ai. ʼE lelei pē ke tahi fai e te kōkelekāsio takitahi ia tona ʼAho Fakamanatu. Kae ʼi ʼihi temi ʼe lagi faigataʼa ia te faʼahi ʼaia. Ko te ʼu Fale ʼo Te Puleʼaga ʼaē ʼe fakatahi ai te ʼu kōkelekāsio kehekehe ʼi te agamāhani ʼe lagi tonu anai ke natou fakaʼaogaʼi he tahi ʼu fale ʼi te afiafi ʼaia. Kapau ʼe feala, pea ʼe lelei ke vaha iā minuta e 40 te ʼu fono kehekehe ʼaē ʼe fai, ke maʼu ai he temi feʼauga kiā tātou fuli ke tou fakaʼaogaʼi lelei te toʼotoʼoga ʼaia. ʼE tonu anai ke vakaʼi fakalelei te ʼu fihifihia ʼaē ʼe feala ke hoko ʼi te feʼaluʼaki ʼaē ʼa te ʼu motokā, mo te taulaga motokā pea mo te ʼaumai ʼaē ʼo te hahaʼi. ʼE vakaʼi anai e te ʼu tagata ʼāfea peʼe koteā te ʼu fakatuʼutuʼu ʼaē ʼe lelei ki te kōkelekāsio.

◼ ʼE tonu ki te kau sīkalaipe ʼo te ʼu kōkelekāsio ke natou vakaʼi pe kua natou maʼu te pepa fakamoʼoni ʼo tonatou pioniē (S-202) ki te kau pioniē kātoa takitokotahi ʼo te kōkelekāsio. Kapau ʼe mole heʼeki natou maʼu fuli, pea ke natou fakahā ki te filiale.