Polokalama ʼo Te Fono Gāue

Vāhaʼa ʼo te ʼaho 12 ʼo Malesio

Kātiko 74

10 min: Te ʼu logo. ʼAki te ʼu manatu ʼi te pāsina 10 peʼe ko he tahi age ʼu faʼahiga palalau ʼe ʼalutahi mo tokotou telituale, kotou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Malesio pea mo te Réveillez-vous ! ʼo Malesio, peʼe ko te ʼu nusipepa fakamuli e lua ʼaē kua kotou maʼu.

15 min: Kā Mavae He Tahi ʼo Te Fāmili Iā Sehova. (Quand un proche quitte Jéhovah.) Ko he akonaki ʼe fai anai e he tagata ʼāfea, ʼo fakatafito ki Te Tule Leʼo Fakafalani ʼo te ʼaho 1 ʼo Sepetepeli 2006, pāsina 17 ki te 21.

20 min: “Koutou Fai Te Mea Aeni Mo Oku Fakamanatu.”a ʼI te palakalafe 3, kotou talanoa ki te ʼu manatu ʼo te palakalafe 3 ʼo te pāsina 1 ʼo Te Minisitelio ʼo Te Puleʼaga ʼo Malesio 2006, peʼe feafeaʼi he fakaʼaogaʼi te tohi Te Ako Mai Te Tohi-Tapu moʼo fakamahino te ʼAho Fakamanatu ki te hahaʼi ʼaē ʼe natou fia logo pea mo tou fakaafe.

Kātiko 224 pea mo te faikole fakaʼosi.

Vāhaʼa ʼo te ʼaho 19 ʼo Malesio

Kātiko 106

10 min: Te ʼu logo pea mo Te ʼu Tonu. Vakaʼi mo te ʼu manatu tāfito ʼo te fakamatala ʼaē ʼe ʼātakai ʼi te pāsina 9 “Te ʼu Fakamanatu ʼo ʼUhiga Mo Te ʼAho Fakamanatu.”

20 min: He ʼu Faʼahiga Fai Moʼo Faka Mafola ʼo Te Logo Lelei. Ko he akonaki pea mo he fai palalau mo te nofoʼaki, ʼe fakatafito ki te kāpite 10 ʼo te ʼalatike Kua Nātou Fakatuʼutuʼu Moʼo Fai ʼo Te Finegalo ʼo Sehova ʼaē ʼe tuʼu ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼi te pāsina 3 ki te 6.

15 min: “Koteā Anai Takotou Tali?”b Fai he faʼifaʼitaki nounou ki te faʼahiga fakaʼaogaʼi ʼo te ʼalatike ʼaia ʼi te ako faka fāmili.

Kātiko 200 pea mo te faikole fakaʼosi.

Vāhaʼa ʼo te ʼaho 26 ʼo Malesio

Kātiko 155

10 min: Te ʼu logo. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Malesio. Lau ʼo te falā pea mo te ʼu meʼa ʼofa. ʼAki te ʼu manatu ʼi te pāsina 10 peʼe ko he tahi age faʼahiga palalau ʼe ʼalutahi mo tokotou telituale, fai he faʼifaʼitaki ʼe fakahā ai te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous ! ʼo ʼApelili, ʼo tufa tahi mo te kiʼi pepa fakaafe ki te ʼAho Fakamanatu, peʼe ko te ʼu nusipepa fakamuli e lua ʼaē kua kotou maʼu.

15 min: Ko he akonaki ʼe ʼaoga ki te kōkelekāsio.

20 min: Koteā Te Fakatuʼutuʼu ʼAē ʼe Tonu Ke Au Fai ʼo ʼUhiga Mo Toku Maʼuli? (Que devrais-je faire de ma vie ?) Ko he akonaki ʼe fakatafito ki te Réveillez-vous ! ʼo Sūlio 2006, pāsina 23 ki te 25. Fakafehufehuʼi he tokotahi peʼe ko he toko lua ʼe nā gāue temi kātoa maʼa Sehova ʼi tanā ʼosi maʼu pepa. He koʼē koa neʼe nā filifili te faʼahiga gāue temi kātoa ʼaia? Koteā ia te ʼu tapuakina ʼaē kua nā maʼu?

Kātiko 47 pea mo te faikole fakaʼosi.

Vāhaʼa ʼo te ʼaho 2 ʼo ʼApelili

Kātiko 117

10 min: Te ʼu logo. Vakaʼi te fakaafe ʼaē ʼe tuʼu ʼi te muliʼi pāsina fakaʼosi ʼo Te Tule Leʼo ʼo te ʼaho 1 ʼo ʼApelili 2007, pea fakaloto mālohiʼi te kau fai faka mafola ke natou fakaafe ia te hahaʼi ʼaē ʼe fia logo, ke natou ʼomai ʼo fakalogo ki te akonaki makehe ʼaē kā fai anai ʼi te ʼaho 15 ʼo ʼApelili. Fakahā te ʼu fakatuʼutuʼu makehe ki te fai faka mafola ʼi te ʼaho 9 ʼo ʼApelili.

20 min: Kotou Haga Tokoni Kiā Nātou ʼAē Neʼe ʼOmai Ki Te ʼAho Fakamanatu. Ko he akonaki ʼe fai e he tagata ʼāfea. Fakahā te kaugamālie ʼo nātou ʼaē neʼe ʼomai ki te ʼAho Fakamanatu, pea fakahā peʼe neʼe tokofia te hahaʼi foʼou ʼaē neʼe ʼomai ʼo fakalogo. Kotou fakamatala he ʼu ʼaluʼaga maʼuhiga ʼo ʼuhiga mo nātou ʼaē neʼe natou tali te fakaafe makehe ki te ʼAho Fakamanatu, peʼe ko he tahi neʼe ʼalu ʼi te hili ʼo te fono ki te ʼu tehina tali kāiga ʼo kole hana ako Tohi-Tapu. Vakaʼi te ʼu manatu ʼaē ʼe feala ke tou mulimuli kiai moʼo foaki he tahi age tokoni fakalaumālie kiā nātou ʼaē neʼe ʼomai ki te ʼaho ʼaia. (Vakaʼi km 3/06 p. 1, pal. 5; km 2/05 p. 4, pal. 9; km 2/04 p. 5, pal. 16.) Fakaloto mālohiʼi te kau fai faka mafola ke natou foimo fakaʼaogaʼi te ʼu tokoni.

15 min: Kotou Fakaʼaogaʼi Lelei Ia Te Annuaire 2007. Ko he akonaki pea mo he fai palalau mo te nofoʼaki. Kotou fakamanatu ia te ʼu puani tāfito ʼo “Te Tohi Mai Te Kolesi Pule.” Kotou palalau ki te ʼu puani lelei ʼo te “Tānaki Gāue ʼo Te Fai Faka Mafola Faka Mālamanei.” Kole fakatomuʼa ki niʼihi ʼo te nofoʼaki ke natou fakamatala he ʼu puani neʼe natou tokagaʼi ʼe fakaloto mālohi ʼaupitō ki te tui. Fakaloto mālohiʼi te ʼu fāmili ke natou lau kātoa te Annuaire lolotoga te taʼu. Fakaloto mālohiʼi ia nātou ʼaē ʼe natou lava lau te Annuaire Fakafalani ke natou fakakaukauʼi te ʼu faʼifaʼitaki fakaloto mālohi ʼaia moʼo tokoniʼi tonatou fāmili, ʼo fēia mo tanatou ʼu kau ako Tohi-Tapu ke natou fakahā tonatou loto fakafetaʼi ki te kautahi ʼa Sehova. Fakahā he ʼu faʼahiga fakaʼaogaʼi ʼo te tohi ʼaia moʼo taki mai ʼo nātou ʼe foʼofoʼou ki te kautahi ʼa Sehova pea mo fakaloto mālohiʼi ʼo nātou ke natou kau ki te ʼu fono.

Kātiko 19 pea mo te faikole fakaʼosi.

[Nota]