Te ʼu Tonu
◼ Te tufa ʼo te ʼu māhina ʼo ʼAukusitō: ʼE Koutou Lava Kaumeʼa Mo Te ʼAtua! peʼe ko he tahi age kaupepa ʼi te ʼu kaupepa ʼaenī e pāsina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Sepetepeli: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te ʼuluaki ʼaʼahi. ʼE tonu anai ke tou ʼaʼahi ia te hahaʼi fuli ʼaē neʼe tou tufa ki ai te ʼu tohi, ʼaki te fakatuʼutuʼu ʼaē ke tou kamata he ʼu ako Tohi-Tapu. ʼOketopeli: Te Tule Leʼo pea mo te Réveillez-vous ! Kapau ʼe fia logo he tahi, kotou fakahā age ia te kiʼi pepa lotu ʼE Koutou Fia Mahino Lahi Koa Ki Te Tohi-Tapu? pea mo fai palalau kiai ʼaki te fakatuʼutuʼu ʼaē ke kamata he ako Tohi-Tapu. Novepeli: Te tohi ʼAtamai Mālama peʼe ko te tohi Te Tagata ʼAē ʼe Lahi Tokotahi ʼi Te ʼu Temi Fuli.
◼ Mai tona ʼaluʼaga ʼaē ko fakaʼosi vāhaʼa e nima ʼi te māhina ʼo Sepetepeli, ʼe ko he māhina lelei ʼaia moʼo toʼo te selevisi pioniē vaeluaʼi temi.
◼ ʼI tanatou pepa fakaʼui tohi, ʼe tonu anai ke kamata fakaʼui e te ʼu kōkelekāsio te ʼu kaletalio ʼa te kau Fakamoʼoni ʼa Sehova ʼo te taʼu 2008, mo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli—2008, pea mo te Annuaire des Témoins de Jéhovah 2008. Ko he lisi ʼo te ʼu lea ʼaē kua maʼu ai te ʼu tohi ʼaia ʼe tuʼu anai ʼi te pepa “Te Logo Ki Te ʼu Kōkelekāsio Fuli,” ʼaē ʼe momoli ʼi te māhina fuli ki te ʼu kōkelekāsio.
◼ ʼE fakamanatuʼi ki te kau tagata ʼāfea ke natou mulimuli ki te ʼu tokoni ʼaē ʼe tuʼu ʼi te pāsina 21 ki te 23 ʼo Te Tule Leʼo (Fakafalani) ʼo te ʼaho 15 ʼo ʼApelili 1991, mo kapau ʼe toe fia liliu mai ia nātou ʼaē neʼe fakamavae peʼe ko nātou ʼaē neʼe mavae ʼi tonatou loto takitokotahi.
◼ ʼE tonu ke momoli ki te Petele ia te Rapport dʼanalyse de la congrégation (S-10) ʼo faka tuʼakoi ki te ʼaho 10 ʼo Sepetepeli 2007.
◼ Ko te ʼu tagata ʼāfea pea mo te ʼu tagata faifekau faka minisitelio selipatea, ʼaē ʼe natou fia kau ki te Ako ʼo Te Minisitelio, ʼe fakaafe nātou ke natou kau ki te fono ʼaē kā takitaki anai e te taupau ʼo te silikō ʼi te fakatahi faka silikō. ʼE kotou maʼu anai ia he tahi ʼu manatu ʼo ʼuhiga mo te faʼahi ʼaia ʼi Te Tule Leʼo (Fakafalani) ʼo te ʼaho 15 ʼo Novepeli 2006, ʼi te pāsina 10 ki te 13. Ko te foaki ʼo te ʼu pepa ʼo te 21 kalasi ʼo te ako faka Tohi-Tapu ʼaia neʼe fai ʼi te Petele ʼo Louviers, ʼi te ʼAhotapu, ʼaho 10 ʼo Sūnio 2007. Neʼe ko te toko 28 kau ako neʼe kau ki te kalasi ʼaia, pea neʼe ko te ʼu tehina e toko 4 mai Niu-Kaletōnia, neʼe natou taʼu 24 ki te 47, neʼe ko tagata ʼāfea e toko 9 pea mo tagata faifekau faka minisitelio e toko 19; ko te toko 13 ʼi te kau ako ʼaia neʼe natou pioniē kātoa. ʼE mahino ia, ʼe liliu anai ia te ʼu tehina ʼaia ko “he tokoni ʼe fakaloto mālohi” anai ki te ʼu kōkelekāsio ʼaē ʼe ʼaoga kiai he tokoni.—Kol. 4:11.