Te ʼu Tonu
◼ Te tufa ʼo Fepualio: Te tohi Te Kalavi ʼo Te Manuʼia Faka Famili. Malesio: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te temi pē ʼaē ʼe tou fai palalau ai mo te hahaʼi. Kapau kua maʼu e te hahaʼi ia te tohi pea ʼe mole natou tali he ako Tohi-Tapu, kotou foaki he nusipepa ʼāfea peʼe ko he kaupepa lahi ʼo mulimuli pē ki te meʼa ʼaē ʼe ʼaoga ki te hahaʼi. ʼApelili Mo Maio: Ko Te Tule Leʼo pea mo te Réveillez-vous ! Kapau ʼe fia logo he tahi, kotou fakahā age ia te kiʼi pepa lotu ʼE Kotou Fia ʼIloʼi Koa Te Moʼoni? Pea tou faiga ke tou kamata he ako Tohi-Tapu. ʼI tatatou toe liliu ʼo ʼaʼahi te hahaʼi ʼaē neʼe ʼomai ki te ʼAho Fakamanatu, peʼe ko te tahi ʼu fakatahi Fakateokalatike, kae ʼe mole natou ʼomai putuputu ki te kōkelekāsio, tou faiga ke tou kamata he ʼu ako ʼaki te tohi Koteā ʼAē ʼe Akoʼi Moʼoni Mai ʼi Te Tohi-Tapu? Sūnio: Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te temi pē ʼaē ʼe tou foaki age ki te hahaʼi ia te tohi. Kapau kua natou maʼu te tohi peʼe kapau ʼe natou fakafisi ki he ako Tohi-Tapu, tou foaki age he nusipepa ʼāfea peʼe ko he kaupepa lahi ʼo mulimuli pē ki te meʼa ʼaē ʼe ʼaoga kiā nātou.
◼ ʼE fai anai ia te akonaki makehe ʼi te ʼosi ʼo te ʼAho Fakamanatu, ko tona kupu tāfito “ ʼI Takotou Manatu ʼe Kei Tuai Koa Ia Te ʼAho Fakaʼosi?”
◼ Kapau ʼe kotou fakatuʼutuʼu ke kotou ʼolo ki he fenua ʼe mole tuʼu ʼi te tānaki gāue ʼo te taʼu peʼe mole hā tona tuʼasila ʼi te pāsina fakaʼosi ʼo te Annuaire fakamuli, pea ʼe lelei ke kotou felōgoi mo takotou filiale, ke fakahā atu ia te ʼu fakatuʼutuʼu peʼe ko he ʼu fakatotonu makehe ʼe lagi ʼaoga ke kotou mulimuli kiai. ʼE lagi ko te fakamafola ʼo te logo lelei ʼo te Puleʼaga ʼi te fenua ʼaia ʼe ʼi ai hona ʼu tuʼakoi. (Mat. 10:16) ʼI ʼihi fenua ʼe lagi ʼaoga anai ki te kau Fakamoʼoni matāpule ke mole natou felāveʼi mo te kau Fakamoʼoni ʼo te fenua peʼe ko te ʼu kōkelekāsio. ʼE feala ke foaki atu he tahi ʼu fakatuʼutuʼu ʼo ʼuhiga mo te fai fagonogono faigamālie peʼe ko te ʼave ʼo he ʼu tohi. Kā kotou mulimuli ki te ʼu fakatotonu ʼa te filiale, pea ʼe mole hoko anai he ʼu fihifihia kiā koutou pea mo te fakamafola ʼo te logo lelei ʼo te Puleʼaga.—1 Ko. 14:33, 40.