Te ʼu Fetogi Ki Te Fono ʼo Te Vāhaʼa

ʼI te kamata ʼo te vāhaʼa ʼaho 3 ʼo Sepetepeli, ʼi te temi ʼo te Ako Tohi-Tapu ʼo Te Kōkelekāsio ʼe hilifaki anai ia minuta e 5 ki te ʼu minuta e 25. Ko te tehina ʼaē ʼe ina taki ia te ako Tohi-Tapu, ʼe tonu anai ke ina fakamanatu ʼi tana ʼu ʼuluaki palalau ia te ako kua hili iā minuta e tahi. ʼE mole toe fai anai iā minuta 35 ia te Fono Gāue kae ʼe minuta 30 pē anai. ʼE mole fakahā kehe anai ia te ʼu logo. Kae, ʼe fakatahiʼi anai te ʼu logo ʼi te ʼuluaki akonaki. ʼI te agamāhani, kapau ʼe tonu ke tala he ʼu logo ʼe ʼaoga, pea ʼe mole fakahā anai ki te kōkelekāsio ia te ʼu akonaki ʼaē kā fai ʼi te fono. ʼE mole tonu ke toe tala te ʼu logo ʼo ʼuhiga mo te fai fakamafola pea mo te polokalama ʼo te fakamaʼa, ʼo toe fēia mo te ʼu talaʼofa. (km 10/08 p. 1, pal. 4) Kapau ʼe loaloaga te ʼu logo, ʼe ʼaoga anai ke ʼiloʼi fakatomuʼa e nātou ʼaē ʼe fai akonaki ke natou fakanounou tonatou temi.