“ ʼE Feala Ke Ke Fiafia Logo La Te ‘Tala ʼi Tou Kakano’!”

Lolotoga te ʼu ʼaho fakamuli mo faigataʼa ʼaeni, ʼe tau fuli te ʼu kaugana ʼa te ʼAtua mo ni faigataʼaʼia. (2Ti 3:1) ʼE feafeaʼi hatatou falala kia Sehova ke tou tauʼi te ʼu ʼahiʼahi ʼaia? Vakaʼi te ʼata viteo “ ʼE Ava Anai Te ʼu Mata ʼo Te Kau Kivi” ke kotou iloʼi ai pe neʼe tauʼi feafeaʼi e Talita Alnashi mo ʼana matuʼā te mahaki pea mo tali ki te ʼu fehuʼi ʼaeni:

• Kotea te ‘tala ʼae ʼi te kakano’ ʼo Talita?

• Kotea te ʼu fakapapau Fakatohi-tapu neʼe tokoni ai kia Talita mo ʼana matuʼā ke natou taupau te fiafia?

• Neʼe fakaha feafeaʼi e te ʼu matuʼā ʼa Talita tanā falala ʼae kia Sehova hili tona tafa?

• Neʼe fakaʼaogaʼi feafeaʼi e te ʼu matuʼā ʼa Talita te ʼu fealagia ʼae foaki mai e te kautahi ke tuputupu ai tona ʼofa kia Sehova?

• Neʼe fakaha feafeaʼi e Talita te malohi ʼo tana felogoi mo Sehova logo la tona maʼimoa?

• Kotea te ako ʼe tou taʼofi mai ia Talita?