Ko Aluʼaga ʼe Tolu Ke Tou Falala Ai Kia Sehova

Ko Tavite neʼe malo ia Koliate ʼuhi ko tana falala ʼae kia Sehova. (1Sa 17:45) ʼE loto Sehova ke ina fakaha tona malohi ki ʼana kaugana fuli. (2Klk 16:9) Kotea ka tokoni mai ke tou falala ki te tokoni ʼa Sehova, kae mole ki totatou poto mo ʼotatou fealagia? Koʼeni aluʼaga ʼe tolu:

• Faikole tuʼumaʼu. ʼAua naʼa tou kole pe te fakamolemole moka tou fai he agahala, kae ʼe tonu ke tou toe kole te malohi moʼo tauʼi te fakahala. (Mat 6:12, 13) ʼAua naʼa tou kole pe kia Sehova ke ina tapuakiʼi te ʼu tonu neʼe kua tou fai, kae ʼe tonu ke tou kole tana takitaki ʼi muʼa ʼo te fai he tonu.—Skp 1:5

• Lau mo ako tuʼumaʼu te Tohi-Tapu. Lau te Tohi-Tapu ʼi te ʼaho fuli. (Ps 1:2) Toʼo he temi ke ke fakakaukauʼi te ʼu faʼifaʼitaki ʼi te Tohi-Tapu, pea ke maʼuliʼi te ʼu ako mai ai. (Skp 1:23-25) Teuteuʼi tau faifakamafola kae mole ke falala pe ki tau fai mahani. Ke ke maʼu te ʼu lelei ʼae mai te ʼu fono ʼe tonu ke ke teuteuʼi fakatomuʼa te ʼu manatu ka vakaʼi.

• Lagolago ki te kautahi ʼa Sehova. Tokagaʼi te ʼu tonu ʼae ʼe tuku mai e te kautahi, pea foimo fakahoko. (Num 9:17) Fakalogo ki te kau tagata ʼafeā ka natou fakaha atu he tokoni peʼe ko he fakatuʼutuʼu.—Hep 13:17

SIOʼI TE ʼATA ’AUA NA’A KE MATAKU ’I TE FAKATAGA, PEA MO TALI KI TE ’U FEHU’I:

• Kotea neʼe matataku ai te ʼu tehina mo tuagaʼane?

• Kotea ʼae neʼe tokoni ke natou tekeʼi te mataku ʼaia?