8-14 SANUALIO
SOPO 34-35
Katiko 30 Pea Mo Te Faikole | Fakaha Te Polokalama (1 min.)
1. Ka Hage ʼe Malaʼia Te Hahaʼi Agalelei
(10 min.)
Manatuʼi ʼe faitotonu tuʼumaʼu ia Sehova (Sop 34:10; wp19.1 8 ¶2)
Ka hage mai ʼe natou hao mai ʼanatou gaue kovi, manatuʼi ʼe mole feala ke natou hola mai ia Sehova (Sop 34:21-26; w17.04 11 ¶5)
Ko te puleʼaki pe ʼae ʼe lelei kia natou ʼe tuʼutamakiʼia ʼuhi ko te heʼe faitotonu ʼe ko te ako ke natou iloʼi ia Sehova (Sop 35:9, 10; Mat 28:19, 20; w21.05 7 ¶19-20)
2. Koloa Fakalaumalie
(10 min.)
Sopo 35:7—Kotea ʼae neʼe fia ui e Eliu ʼi tana fehuʼi age kia Sopo: “Kotea ʼae ʼe maʼu [e te Atua] mai ia koe?’ (w17.04 29 ¶3)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Sopo 35:1-16 (th ako 10)
4. Kamata he faipalalau
(3 min.) ʼI TE FAIFAKAMAFOLA ʼI TE ʼU ʼAPI. Kole age peʼe mole fia fai hana ako Tohi-Tapu. (lmd ako 10 manatu 3)
5. Kamata he faipalalau
(4 min.) ʼI TE FAIFAKAMAFOLA FAIGAMALIE. Fakaha ki he tahi ʼe maʼu fanau peʼe feafeaʼi te maʼu tokoni ki te ʼu matuʼa ʼi te jw.org. (lmd ako 1 manatu 4)
6. Fai ni tisipulo
(5 min.) lff ako 13 manatu 5 (lmd ako 11 manatu 3)
Katiko 58
7. ʼE Ke Fia Kau Koa Ki Te Fakamafola Faigamalie ʼo Te Folafola?
(15 min.) Faipalalau.
Neʼe ui fenei ia Paulo kia Timoteo: “Ke ke fakamafola ʼaki he faʼafai ia te folafola, ʼi te temi faigamalie pea mo te temi faigataʼa.” (2Ti 4:2) ʼE tau fakaʼaogaʼi te kupu keleka ʼae neʼe fakaliliu “ ʼaki he faʼafai” ki he tagata solia peʼe ko he tagata leʼo ʼe nofo teuteu tuʼumaʼu ki he aluʼaga pe ʼe feala ke hoko. ʼE ko he fakata lelei ʼo tatatou loto ʼae ke tou nofo teuteu tuʼumaʼu kia faigamalie fuli ʼe feala ai ke tou faifakamafola.
Ko totatou ʼofa pea mo fakafetaʼi kia Sehova kia meʼa fuli ʼe ina fai maʼa tatou, ʼae ʼe uga ai ke tou palalau ʼo ʼuhiga mo ʼana kalitate taulekaleka ki te hahaʼi.
Lau ia Pesalemo 71:8. Pea fehuʼi ki te nofoʼaki:
Kotea la te ʼu lelei ʼo ʼuhiga mo Sehova ʼe kotou fiafia vaevae mo te hahaʼi?
Ko totatou ʼofa ʼae ki te hahaʼi ʼe uga ai tatou ke tou fakaʼaoga faigamalie fuli ke tou faifakamafola.
Fakahaʼele te ʼATA VITEO Ka Fia Ako e Te Toko Afe Te Tohi-Tapu. Pea fehuʼi ki te nofoʼaki:
Neʼe tokoni feafeaʼi te faifakamafola faigamalie ke ako e te toko afe te Tohi-Tapu?
Kotea te ʼu tapuakina neʼe natou maʼu mai te ako ʼo te Tohi-Tapu?
ʼE tokoni feafeaʼi te ʼofa ki te hahaʼi ke tou kau ki te faifakamafola faigamalie?
He koʼe ʼe tou manatu ko te faifakamafola faigamalie ʼe ko he faʼahiga fai ʼe lelei moʼo tokoni ki te hahaʼi ke natou iloʼi ia Sehova?
8. Ako Tohi-Tapu ʼo Te Kokelekasio
(30 min.) bt kap. 4 ʼatakai ʼo te p. 33