29 SANUALIO–4 FEPUALIO

KOLOA ʼO TE TOHI-TAPU

1. Te ʼu Ako Mai Te Maʼuli ʼo Sopo

(10 min.)

Fakamoʼoni ʼe maʼoluga age te manatu ʼa te ʼAtua ʼi ʼa koe (Sop 42:1-3; w10 1/10 14 ¶4-6)

Tali lelei te ʼu tokoni mai ia Sehova pea mo tana kautahi (Sop 42:5, 6; w17.06 17 ¶12)

ʼE tapuakiʼi e Sehova ia natou ʼe agatonu logo la te ʼu ʼahiʼahi (Sop 42:10-12; Skp 5:11; w22.06 25 ¶17-18)

Ko Sopo mo tona ʼohoana ʼe na fehagaʼaki ʼi he mata moʼuga. ʼE ina fakaha ʼaki tona nima tana faga manu pea mo tonā ʼapi. — Neʼe tapuakiʼi e Sehova te agatonu ʼa Sopo

2. Koloa Fakalaumalie

(10 min.)

Sopo 42:7—ʼI tona fakahagatonu, ko ai ʼae neʼe fakafeagai kiai te ʼu kaumeʼa ʼe toko tolu ʼo Sopo, pea ʼe tokoni feafeaʼi mai ke ʼaua naʼa tou fakagalivale? (it-2-F 344)

Tau tali
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu

Tau tali

3. Lau ʼo Te Tohi-Tapu

(4 min.) Sopo 42:1-17 (th ako 11)

KE KE FAIVA ʼI TE FAIFAKAMAFOLA

4. Kamata He Faipalalau

(3 min.) ʼI TE FAIFAKAMAFOLA ʼI TE ʼU ʼAPI. Ko he tahi ʼe mole ina iloʼi te ʼu akonaki fakakitilitiano. (lmd ako 5 manatu 3)

5. Fai Ni Tisipulo

(5 min.) lff ako 13 manatu 6-7 pea mo ʼE ʼUi e ʼIhi (lmd ako 11 manatu 4)

6. Akonaki

(4 min.) lmd fakamahino 1 manatu 2—Kupu Tafito: ʼE ha ʼi te ʼu aluʼaga ʼae ʼe hoko nei mo te aga ʼa te hahaʼi kua vave fetogi pe te tuʼu ʼaeni. (th ako 13)

MAʼULI FAKAKILISITIANO

7. Tokoni Ke Natou Logoʼi Te ʼOfa ʼo Sehova

(15 min.) Faipalalau.

Ko he pāki neʼe toʼo mai te ʼata viteo “Neʼe Ma Maʼu Te ʼOfa Fakakilisitiano ʼi Te Famili ʼo Sehova.” Ko Mimi mo tana faʼe neʼe na totogi te ʼu teu pea mo he kiʼi kate maʼa te tuagaʼane ʼe ʼi lopitali.

ʼE tou fiafia ʼi te tauhi ki te ʼAtua, ʼae ʼe ko te ʼofa. (1So 4:8, 16) ʼE tou fia fakaovi kia Sehova ʼuhi ko tona ʼuhiga ʼofa pea ʼe uga ai tatou ke tou nofo ovi tuʼumaʼu ia te ia. ʼE tou logoʼi ʼi totatou ʼuhiga ovi, ʼe ʼofainaʼi tatou e Sehova.

ʼE tou faiga malohi ke tou maʼuliʼi te ʼofa ʼo Sehova ki ʼotatou famili, ʼotatou tehina mo tuagaʼane, pea mo ʼihi atu. (Sop 6:14; 1So 4:11) Ka tou maʼuliʼi te ʼofa, ʼe tou tokoni ki ʼihi ke natou iloʼi ia Sehova pea ke natou fakaovi kia te ia. Kae kapau ʼe mole tou fakaha te ʼofa, pea ʼe faigataʼa anai tanatou logoʼi te ʼofa ʼo Sehova.

Fakahaʼele te ʼATA VITEO Neʼe Ma Maʼu Te ʼOfa Fakakilisitiano ʼi Te Famili ʼo Sehova. Pea fehuʼi ki te nofoʼaki:

Kotea ʼe tou ako mai te meʼa neʼe hoko kia Lei Lei pea mo Mimi ʼo ʼuhiga mo te maʼuhiga ʼo te maʼuliʼi te ʼofa?

Tau tali

Kotea ʼae ʼe feala ke tou fai ke logoʼi e ʼotatou tehina mo tuagaʼane te ʼofa ʼo Sehova?

Tou fakaʼuhiga natou ʼe ko he ʼu ovi ʼe fakamaʼuhigaʼi e Sehova.—Ps 100:3
Tou fai kia natou he ʼu palalau ʼe fakalotomalohi.—Efe 4:29
Tou agalelei mo natou. —Mat 7:11, 12

8. Ako Tohi-Tapu ʼo Te Kokelekasio

(30 min.) bt kap. 5 ¶1-8, ʼa takai ʼi te p. 39