8-14 APELILI
PESALEMO 26-28
Katiko 34 Pea Mo Te Faikole | Fakaha Te Polokalama (1 min.)
1. Neʼe Fakamalohi Feafeaʼi e Tavite Tana Agatonu
(10 min.)
Neʼe kole e Tavite kia Sehova ke ina fakamaʼa tona loto (Ps 26:1, 2; w04 1/12 14 ¶8-9)
Neʼe fakamamaʼo ia Tavite mai te ʼu fakakauga kovi (Ps 26:4, 5; w04 1/12 15 ¶12-13)
Neʼe leleiʼia e Tavite te tauhi kia Sehova (Ps 26:8; w04 1/12 16 ¶17-18)
Logo la te ʼu lakahala ʼa Tavite, kae neʼe haʼele agatonu mo tona “loto katoa.” (1Hau 9:4) Neʼe ha tana agatonu ʼi tana pipiki maʼu pea tana ʼofa mamahi ʼae kia Sehova.
2. Koloa Fakalaumalie
(10 min.)
Ps 27:10—ʼE fakafimalieʼi feafeaʼi tatou e te vaega ʼaia moka lituʼa mai ʼotatou kaumeʼa lelei ʼi he ʼaho? (w06 1/8 14 ¶15)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Ps 27:1-14 (th ako 2)
4. Kamata He Faipalalau
(2 min.) ʼI TE FAIFAKAMAFOLA ʼI TE ʼU ʼAPI. Fakaʼaoga he pepa lotu mai te Meʼa Gaue Ki Te Faiako. (th ako 3)
5. Hoko Atu Tona ʼAʼahi
(4 min.) ʼI TE FAIFAKAMAFOLA ʼI TE ʼU ʼAPI. Faipalalau mo ia ki te fehuʼi ʼae ʼi te tuʼa pasina ʼo te pepa lotu ʼae neʼe ke tuku age. Fakaha age tatatou tuʼasila jw.org, pea mo he ʼu manatu ʼe feala ke ina maʼu ai. (lmd ako 9 manatu 3)
6. Akonaki
(5 min.) lmd fakamahino 1 manatu 3—Kupu Taki: ʼE Mole Toe Maumauʼi Anai Te Natula. (th ako 13)
Katiko 128
7. Ko Te ʼu Tupulaga ʼe Natou Taupau Tanatou Agatonu
(15 min.) Faipalalau.
ʼE maʼua ke faiga malohi te kau tupulaga Kilisitiano ke natou taupau tanatou agatonu. ʼE tonu ke natou tauʼi tonatou ʼuhiga agahala mo te ʼu holi ʼo te temi tupulaga tafito ki te ʼu felaveʼi fakasino, heʼe ka malohi ʼe feala ke ina fakahalaʼi te tonu ka fai e he tupulaga. (Lom 7:21; 1Ko 7:36) ʼE toe maʼua foki ke natou tekeʼi mo te ʼu fakaneke tuʼumaʼu ʼae ki te ʼu felaveʼi fakasino heʼe ʼaoga ʼa he tagata mo he fafine, ʼo feia mo te faitagata mo te faifafine. (Efe 2:2) ʼE matou fiameʼameʼa ʼo ʼuhiga mo natou ʼaia ʼe natou taupau tanatou agatonu.
Fakahaʼele te ʼATA VITEO Toku Temi Tupulaga —Te Tauʼi Te Fakaneke Ki Te ʼu Felaveʼi Fakasino Heʼe ʼAoga? Pea fehuʼi ki te nofoʼaki:
Kotea te ʼu fakaneke ʼae neʼe tau mo Cory pea mo Kamryn?
Kotea ʼae neʼe tokoni ke nā taupau tanā agatonu?
Kotea te ʼu pelesepeto neʼe tokoni atu ke ke tekeʼi te ʼu fakaneke ʼaia?
8. Ako Tohi-Tapu ʼo Te Kokelekasio
(30 min.) bt kap. 8 ¶5-12