29 APELILI–5 MAIO
PESALEMO 34-35
Katiko 10 Pea Mo Te Faikole | Fakaha Te Polokalama (1 min.)
1. “Vikiʼi ia Sehova ʼi te temi fuli”
(10 min.)
Neʼe fakavikiviki ia Tavite kia Sehova ʼi te temi fuli, maʼia mo te ʼu temi ʼae neʼe tau ai mo te ʼu faigataʼaʼia (Ps 34:1; w07 1/3 20 ¶11)
Neʼe fakakololia ia Tavite kia Sehova, kae mole kia ia (Ps 34:2-4; w07 1/3 20 ¶13)
Neʼe lotomalohi te ʼu kaumeʼa ʼa Tavite ʼuhi ko tana ʼu fakavikiviki (Ps 34:5; w07 1/3 21 ¶15)
Hili tona haofaki mai ia Apimeleke, neʼe fakatahi age kia Tavite ʼi te toafa te toko 400 tagata neʼe lotomamahi kia Saulo. (1Sa 22:1, 2) Neʼe lagi manatuʼi e Tavite ia natou ʼaia ʼi te temi ʼae neʼe ina fatu ai te Pesalemo ʼaia.—Ps 34, suscription.
FAI TE FEHUʼI ʼAENI, ‘ ʼE feala ke tou vikiʼi feafeaʼi ia Sehova ka tou palalau mo he tahi ʼi te fono ʼo te kokelekasio?’
2. Koloa Fakalaumalie
(10 min.)
Ps 35:11—Neʼe hoko feafeaʼi ʼi te temi ʼo Sesu ia te ʼu palalau ʼae ia Pesalemo 35:11? (w11 1/8 16 ¶9)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Ps 34:1-22 (th ako 5)
4. Kamata He Faipalalau
(2 min.) ʼI TE FAIFAKAMAFOLA FAIGAMALIE. ʼE ʼosi te faipalalau kae neʼe heʼeki ke palalau pe la ki te moʼoni. (lmd ako 1 manatu 4)
5. Hoko Atu Tona ʼAʼahi
(4 min.) ʼI TE FAIFAKAMAFOLA FAIGAMALIE. (lmd ako 2 manatu 4)
6. Ko He ʼu Fakamahino
(5 min.) Faʼifaʼitaki. ijwfq 59-F—Kupu tafito: Comment les Témoins de Jéhovah font-ils pour savoir si une fête est acceptable ou pas ? (th ako 17)
Katiko 59
7. Ko Faʼahiga Fakavikiviki Kia Sehova ʼe Tolu ʼi Te ʼu Fono
(15 min.) Faipalalau.
ʼE foaki mai e te ʼu fono he ʼu faigamalie ke tou vikiʼi ai ia Sehova. Koʼeni tolu.
Te ʼu Faipalalau: Palalau ʼo ʼuhiga mo te manavaʼofa ʼo Sehova ʼi ʼau faipalalau. (Ps 145:1, 7) Neʼe ke lau koa peʼe logo ki he manatu neʼe ʼaoga kia koe? Neʼe hoko koa he aluʼaga fakafiafia ʼi tau faifakamafola? Neʼe ke lotomalohi koa ʼuhi ko he ʼu palalau peʼe ko he aga ʼa he tahi? Neʼe ke tokagaʼi koa he aluʼaga ʼo te fakatupu ʼa Sehova neʼe ke fiafia ai? Ko te ʼu meʼa ʼofa fuli ʼaia ʼe haʼu mai ia Sehova. (Skp 1:17) Koia, faiga ke ke haʼu fakatomuʼa ki te ʼu fono ke maʼu he temi ke ke palalau ki ai mo ʼihi.
Te ʼu Tali: Faiga ke ke fai hau tali ʼi te ʼu fono fuli. (Ps 26:12) ʼE feala ke ke tali fakahagatonu ki te fehuʼi peʼe ke fakamahino he manatu, he vaega, te pāki peʼe ko he ako. Haga ʼo teuteuʼi he tahi ʼu tali mai tona aluʼaga ʼae ʼe hahaʼi anai natou ka hiki nima anai. Kapau ʼe sekonita 30 peʼe siʼi ifo tau tali, pea ʼe fakafealagia anai kia natou ʼae ke natou “momoli ki te ʼAtua he sakilifisio fakavikiviki.”—Hep 13:15.
Te ʼu Katiko: Hiva fiafia te ʼu katiko. (Ps 147:1) ʼE lagi mole feala anai ke ke tali ʼi te ʼu fono fuli tafito la moka ʼe kaugamalie tau kokelekasio, kae ʼe feala tuʼumaʼu pe anai ia ke ke kau ki te hiva ʼo te ʼu katiko. Tatau aipe peʼe ke manatu ʼe mole ke leʼo lelei, kae ko te meʼa ʼae ʼe fiafia ai ia Sehova ʼe ko ʼau faiga! (2Ko 8:12) ʼE feala ke ke akoako te hiva ʼo te ʼu katiko ʼi fale.
Fakahaʼele te ʼATA VITEO Ko Tatatou Kautahi ʼe Laka Ki Muʼa—Ko Te ʼu Katiko ʼe Ko He ʼu Meʼa ʼOfa Maʼuhiga, Koga 1. Pea fehuʼi ki te nofoʼaki:
Kotea ʼae ʼe ha ai ʼi te kamataʼaga ʼo tatatou kautahi ko te ʼu hiva fakavikiviki kia Sehova neʼe ko he koga maʼuhiga ʼo tatatou tauhi?
8. Ako Tohi-Tapu ʼo Te Kokelekasio
(30 min.) bt kap. 9 ¶1-7, mo te manatu ki te koga 3, pea mo te ʼa takai ʼi te p. 70