30 TESEPELI 2024–5 SANUALIO 2025

KOLOA ʼO TE TOHI-TAPU

ʼE haʼi fakafiafia e te kau Iselaele te ʼu tuʼuga fuhiga fulumeto. — ʼE utu fakafiafia te kau Iselaele ʼae neʼe toe liliu mai ʼuhi he ʼe tapauakiʼi e Sehova tanatou gaue kinakina

1. Neʼe Natou Nunusi ʼAki Ni Loʼimata, Kae Neʼe Natou Utu ʼAki Ni Kalaga Fakafiafia

(10 min.)

Neʼe fiafia te kau Iselaele ʼi tonatou fakaʼateainaʼi mai Papiloni mo tanatou toe fakatuʼu te tauhi maʼa (Ps 126:1-3)

Neʼe lagi fetagihi ia natou ʼae neʼe toe liliu ki Sutea ʼuhi ko te toe gaue ʼae neʼe tonu ke natou fai (Ps 126:5; w04 1/6 16 ¶10)

Neʼe hoko atu ʼanatou faiga pea neʼe tapuakinaʼi natou (Ps 126:6; w21.11 24-25 ¶17; w01 15/7 18-19 ¶13-14; pāki ʼo te takafi)

ʼE faiga malohi te kau Iselaele ke natou gaueʼi te kele. ʼE nunusi pulapula te tahi tagata kae ko te tahi ʼe ina gaueʼi te kele.

METITASIO KI AI: Ka ʼosi fakaʼateainaʼi tatou mai te malama ʼi Alamaketone, kotea te ʼu faigataʼaʼia ka tou tau mo ia lolotoga te toe laga lahi? Kotea te ʼu tapuakina ʼae ka tou maʼu?

2. Koloa Fakalaumalie

(10 min.)

Ps 124:2-5—ʼE feala koa ke tou fakaʼamu ʼe puipui anai tatou e Sehova ʼi te faʼahi fakasino ohage ko tana puipui te kau Iselaele? (cl 73 ¶15)

Tau tali
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?

Tau tali

3. Lau ʼo Te Tohi-Tapu

(4 min.) Ps 124:1–126:6 (th ako 5)

KE KE FAIVA ʼI TE FAIFAKAMAFOLA

4. Kamata He Faipalalau

(3 min.) FAIFAKAMAFOLA FAIGAMALIE. (lmd ako 3 manatu 5)

5. ʼAʼahi

(4 min.) FAIFAKAMAFOLA ʼI TE ʼU ʼAPI. ʼI te ʼaʼahi fakaʼosi, neʼe fakaha atu e ia ʼae neʼe kolua faipalalau ʼe lotolotolua ʼo ʼuhiga mo te Tohi-Tapu (lmd ako 9 manatu 5)

6. Fai Ni Tisipulo

(5 min.) lff kapite 16 kamataʼaga mo te puani 1-3 (lmd ako 11 manatu 3)

MAʼULI FAKAKILISITIANO

7. Fakafiafia ʼi Te ʼu Fakapapau ʼa Te ʼAtua

(15 min.) Faipalalau.

Neʼe fakahoko e Sehova ʼana fakapapau ki tana hahaʼi ʼae neʼe ʼave popula ki Papiloni. Neʼe ina fakaʼateainaʼi natou pea mo fakamolemole ʼanatou agahala ʼae neʼe natou fai ʼi muʼa atu. (Esa 33:24) Neʼe ina puipui natou mo ʼanatou manu mai te ʼu laione mo ʼihi manu fekai ʼae neʼe kua mafola ʼi tanatou pupuli. (Esa 65:25) Neʼe feala ke natou nofoʼi ʼonatou ʼapi pea mo kai te ʼu fua ʼo ʼanatou gaueʼaga vite. (Esa 65:21) Neʼe tapuakiʼi e te ʼAtua tanatou gaue pea neʼe natou maʼuʼuli fualoa. —Esa 65:22, 23.

Pāki ʼe toʼo mai te ʼata viteo “Fakafiafia ʼi Te ʼu Fakapapau ʼa Te ʼAtua Ki Te Tokalelei—Kogaʼi ʼAta.” Pāki: 1. ʼE fakatahi fakafiafia te ʼu tehina mo tuagaʼane. 2. Ko te pāki neʼe toho mai te lagi ʼo te ʼu moʼuga mo te vao matuʼa. 3. Kua fakatuʼuake te polofeta ko Taniela, pea ʼe haʼele ʼi te vao matuʼa. 4. Ko he taumatuʼa ʼe nā faʼufua mo tanā taʼahine ʼae kua fakatuʼuake. 5. Ko he pa fuaʼi ʼakau mo lauʼakau. 6. Ko he vai tafe.

Fakahaʼele te ʼATA VITEO Fakafiafia ʼi Te ʼu Fakapapau ʼa Te ʼAtua Ki Te Tokalelei—Kogaʼi ʼAta. Fehuʼi ki te nofoʼaki:

ʼE hoko feafeaʼi te ʼu lea fakapolofeta ʼaia ia ʼaho nei?

Tau tali
ʼE hoko feafeaʼi anai te ʼu lea fakapolofeta ʼaia ʼi te malama foʼou?

Tau tali
Kotea te ʼu lea fakapolofeta ʼae ʼe kotou fakaʼamu lahi ki ai?

Tau tali

8. Ako Tohi-Tapu ʼo Te Kokelekasio

(30 min.) bt kap. 20 ¶8-12, te ʼa takai ʼi te p. 161