6-12 SANUALIO

KOLOA ʼO TE TOHI-TAPU

1. ʼU Matuʼā, Kotou Haga Tokakaga Ki Tokotou Tofiʼa Maʼuhiga

(10 min.)

ʼE lava falala te ʼu matuʼā ki te tokoni ʼa Sehova ke natou maʼu te ʼu meʼa ʼae ʼe ʼaoga ki tonatou famili (Ps 127:1, 2)

Ko te ʼu fanau ko he meʼa ʼofa maʼuhiga mai ia Sehova (Ps 127:3; w21.08 5 ¶9)

Kotou akoʼi natou ʼo mulimuli ki te ʼu meʼa ʼae ʼe ʼaoga kia natou takitahi (Ps 127:4; w19.12 26, 27 ¶20)

Ko he tamai ʼe ina fakaʼaogaʼi te kaupepa “Mes comptines bibliques” moʼo akoʼi ʼana fanau ʼe toko lua. — ʼE maʼuhiga kia Sehova moka ʼe falala te ʼu matuʼā kia te ia mo faiga malohi ke natou tokakaga ki ʼanatou fanau

2. Koloa Fakalaumalie

(10 min.)

Ps 128:3—He koʼe ʼe fakatatau e te tagata faipesalemo ia te ʼu foha ki he huliʼi oliveto? (it-1 543)

Tau tali
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?

Tau tali

3. Lau ʼo Te Tohi-Tapu

(4 min.) Ps 132:1-18 (th ako 2)

KE KE FAIVA ʼI TE FAIFAKAMAFOLA

4. Kamata He Faipalalau

(3 min.) FAIFAKAMAFOLA FAIGAMALIE. (lmd ako 1 manatu 3)

5. Kamata He Faipalalau

(4 min.) FAIFAKAMAFOLA FAIGAMALIE. Ko he tahi ʼe ina fakaha te ʼu meʼa ʼae ʼe tui ki ai kae ʼe mole alu tahi mo te ʼu akonaki Fakatohi-tapu. (lmd ako 5 manatu 4)

6. Fai Ni Tisipulo

(5 min.) lff kapite 16 puani 4-5. Faipalalau mo tau ako ki te ʼu fakatuʼutuʼu ʼae neʼe ke fai ke hoko atu tana ako lolotoga tau puli. (lmd ako 10 manatu 4)

MAʼULI FAKAKILISITIANO

7. ʼU Matuʼā, ʼe Kotou Tuku Koa He Faʼifaʼitaki Lelei Ki ʼAkotou Fanau?

(15 min.) Faipalalau.

ʼE lahi te ʼu faʼahi neʼe fai e te kautahi ʼa Sehova moʼo tokoni ki te ʼu matuʼā ke natou akoʼi ʼanatou fanau ke natou iloʼi ia Sehova. Kae ko te maʼuhiga ko tanatou tuku he faʼifaʼitaki lelei ki ʼanatou fanau.—Tet 6:5-9.

Neʼe akoʼi e Sesu ʼana tisipulo ʼaki tana faʼifaʼitaki.

Lau ia Soane 13:13-15. Fehuʼi ki te nofoʼaki:

He koʼe ʼe feala ke tou ui neʼe fua lelei te akoʼi ʼo ʼihi e Sesu ʼaki tana faʼifaʼitaki?

Tau tali

ʼU matuʼā, ʼe feala ʼaki takotou aga ke mahino ai ʼakotou fanau ʼe fua lelei kia natou te ʼu meʼa ʼae ʼe kotou akoʼi age. Kapau ʼe kotou tuku he faʼifaʼitaki lelei, ʼe natou fakaʼapaʼapa lahi anai ki te ʼu akonaki ʼae ʼe kotou akoʼi age pea mo fakalogo atu.

Te ʼu pāki: Pāki neʼe toʼo mai te ʼata viteo “Enseignons nos enfants par l’exemple.” 1. ʼE heka te famili Garcia ʼi tanatou motoka ke natou olo ʼo fono. 2. ʼE inu kafe mo faipalalau te kiʼi famili ʼi tanatou toe liliu mai te fono. 3. ʼE tuʼu muʼa te ako tokotahi ʼa te tehina Garcia ke faipalalau mo te tahi ʼo ʼona ʼofafine. 4. ʼE fakaʼaogaʼi e te tehina mo tuagaʼane Garcia ia te Tohi-Tapu moʼo faipalalau mo te tahi ʼo ʼana taʼahine.

Fakahaʼele te ʼATA VITEO Enseignons nos enfants par l’exemple. Fehuʼi ki te nofoʼaki:

Kotea te ʼu ako maʼuhiga ʼae neʼe akoʼi e te tehina mo tuagaʼane Garcia ki ʼanā taʼahine?

Tau tali
ʼE uga feafeaʼi koutou e te ʼata viteo ʼaeni, ke kotou haga tuku he faʼifaʼitaki lelei ki ʼakotou fanau?

Tau tali

8. Ako Tohi-Tapu ʼo Te Kokelekasio

(30 min.) bt kap. 20 ¶13-20