5-11 MAIO

KOLOA ʼO TE TOHI-TAPU

1. ʼE Fakapale Te Gaue Kinakina

(10 min.)

ʼAua naʼa puli tou temi ʼi te tuli ʼo te ʼu meʼa ʼae ʼe vaʼiganoa (Taa 12:11)

Ke ke gaue kinakina mo fai ia meʼa fuli ʼe ke lavaʼi (Taa 12:24; w16.06 30 ¶5)

ʼE fakapale anai koe ki tau gaue kinakina (Taa 12:14)

Pāki: Ko he tehina ʼe gaue ki te ʼu tuio pea ʼe toe kau ki te ʼu gaue fakalaumalie. 1. ʼE haʼele mo ʼana meʼa gaue. 2. ʼE ina fakaʼaogaʼi he kalavi ʼi tana gaue ki te foʼi tuio. 3. ʼE fono mo tona kiʼi famili. Ko ia mo tona kiʼi ʼofafine ʼe nā hiki ʼonā nima ke nā faitali. 4. ʼE ina fakaha he kiʼi pepa lotu ki he tagata ʼi he utuʼaga penisini.

HE TOKONI: ʼE fakatupu fiafia te gaue kinakina mo kapau ʼe tou tokaga tafito ki te ʼu fua lelei ʼae ʼe maʼu ai e ʼihi.—Gau 20:35; w15 1/4 5 ¶4-6.

2. Koloa Fakalaumalie

(10 min.)

Taa 12:16—ʼE tokoni feafeaʼi te pelesepeto ʼi te vaega ʼaeni ki he tahi ke ina maʼu te malohi moʼo ʼutakiʼi te ʼu fihifihia? (ijwyp alatike 95 ¶7-8)

Tau tali
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?

Tau tali

3. Lau ʼo Te Tohi-Tapu

(4 min.) Taa 12:1-20 (th ako 5)

KE KE FAIVA ʼI TE FAIFAKAMAFOLA

4. Kamata He Faipalalau

(2 min.) FAIFAKAMAFOLA ʼI TE ʼU ʼAPI. (lmd ako 1 manatu 4)

5. Kamata He Faipalalau

(3 min.) FAIFAKAMAFOLA ʼI TE ʼU ʼAPI. Fehuʼi ki he tahi pe ʼe ina fia ako te Tohi-Tapu. (lmd ako 5 manatu 4)

6. ʼAʼahi

(3 min.) FAIFAKAMAFOLA FAIGAMALIE. Fakaha tatatou tuʼasila ʼi te neti jw.org ki he tahi ʼe maʼu fanau. (lmd ako 9 manatu 3)

7. Fakamahino Tau Tui

(3 min.) Faʼifaʼitaki. ijwfq alatike 3—Kupu Tafito: ’E Tui Koa Ia Te Kau Fakamo’oni ’a Sehova ’e Ko Te Lotu Mo’oni ’Ae ’e Natou Olo Ai? (lmd ako 4 manatu 3)

MAʼULI FAKAKILISITIANO

8. Tou Tauʼi Te ʼu Fihifihia Fakaekonomika ʼAki Te Tokoni ʼa Sehova

(15 min.) Faipalalau.

ʼE ke tuʼania koa ke maʼu hau gaue, peʼe naʼa mole ke toe gaue, peʼe naʼa mole ke toe maʼu hau foʼi falā feʼauga ʼi te temi nei pea moka kua ke matuʼa? Ko te maʼuli fakaekonomika ʼe feala pe ke fetogi vave. Kae ʼe fakapapauʼi mai e Sehova ʼe ina foaki tuʼumaʼu mai anai te ʼu meʼa ʼae ʼe ʼaoga kia tatou mo kapau ʼe tou fakamuʼamuʼa ia ia ʼi totatou maʼuli, tatau aipe pe hoko fakapunamaʼuli hotatou ʼu fihifihia fakaekonomika.—Ps 46:1-3; 127:2; Mat 6:31-33.

Ko he aluʼaga mai te ʼata viteo “ ʼE Heʼeki Fai Mai e Sehova He Meʼa ʼe Kovi Kia Tatou.” ʼE puke e te tehina ko Alvarado te nima ʼo tona ʼohoana ʼi tana faikole mo tona kiʼi famili.

Fakahaʼele te ʼATA VITEO ʼE Heʼeki Fai Mai e Sehova He Meʼa ʼe Kovi Kia Tatou. Fehuʼi ki te nofoʼaki:

Kotea te ako ʼe kotou taʼofi mai te aluʼaga ʼae neʼe hoko ki te tehina ko Alvarado?

Tau tali

Lau ia 1 Timoteo 5:8. Fehuʼi ki te nofoʼaki:

ʼE fakamalohiʼi feafeaʼi e te vaega ʼaeni ia takotou tui ʼae ʼe tokaga tuʼumaʼu pe anai ia Sehova kia natou ʼae ʼe atolasio kia te ia?

Tau tali

Koʼeni he ʼu pelesepeto Fakatohi-tapu ʼe feala ke tokoni atu ke kotou tauʼi te ʼu fihifihia fakaekonomika:

Fakasiʼisiʼi te ʼu maʼua mo te fakaʼaogaʼi ʼo te falā ki he ʼu meʼa ʼe mole ʼaoga.—Mat 6:22
Kotou toʼo he ʼu tonu ʼo ʼuhiga mo te gaue mo te faʼahiga ako ʼae ʼe feala ke kotou fakamuʼamuʼa ai te tauhi kia Sehova.—Flp 1:9-11
Kotou agavaivai mo mulimuli ki tokotou aluʼaga. Kapau ʼe mole kei kotou gaue, kotou lotolelei ʼo fai he faʼahiga gaue pe. Maʼia pe ko he gaue ʼe mole faʼa maʼuhiga, kae kehe pe ke feala hakotou foaki te ʼu meʼa ʼae ʼe ʼaoga ki tokotou famili.—Taa 14:23
Kotou lotolelei ʼo vaevae te ʼu meʼa ʼae ʼe kotou maʼu, tatau aipe pe mole lahi.—Hep 13:16

9. Ako Tohi-Tapu ʼo Te Kokelekasio

(30 min.) bt kap. 26 ¶1-8, te ʼu ʼa takai ʼi te pp. 204, 208