19-25 MAIO
TAʼAGA LEA 14
Katiko 89 Pea Mo Te Faikole | Fakaha Te Polokalama (1 min.)
1. Fakakaukauʼi Lelei Pe ʼe Kotea ʼAe Ka Ke Fai Moka Hoko He Tuʼutamaki
(10 min.)
ʼAua naʼa ke “hoko tui” ki te ʼu meʼa ʼe ke logo ki ai (Taa 14:15; w23.02 22-23 ¶10-12)
ʼAua naʼa ke falala ki te ʼu meʼa ʼae ʼe ke logoʼi peʼe ko te ʼu aluʼaga ʼae neʼe hoko ʼi tou maʼuli (Taa 14:12)
ʼAua naʼa ke fakalogo kia natou ʼae ʼe mole natou tali te ʼu tokoni ʼo te kautahi ʼa Sehova (Taa 14:7)
METITASIO KI AI: ʼU tagata ʼafeā, kua kotou tokalelei koa ʼo mulimuli ki te ʼu fakatotonu mo falala kia Sehova moka hoko he tuʼutamaki?—w24.07 5 ¶11.
2. Koloa Fakalaumalie
(10 min.)
Taa 14:17—ʼE feafeaʼi hatatou fehihiʼa ki “te tagata ʼae ʼe ina fakakaukauʼi lelei he aluʼaga”? (it-1 398-399)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Taa 14:1-21 (th ako 11)
4. Kamata He Faipalalau
(3 min.) FAILAUPAPA. Lau he vaega Tohi-Tapu ki he tahi ʼe tuʼania ki te faʼahi fakapaʼaga (lmd ako 3 manatu 3)
5. ʼAʼahi
(4 min.) FAIFAKAMAFOLA ʼI TE ʼU ʼAPI. Tuku age he nusipepa ʼo ʼuhiga mo he manatu neʼe ina leleiʼia ʼi takolua faipalalau talu mai ai. (lmd ako 9 manatu 4)
6. Fai Ni Tisipulo
(5 min.) Fakalotomalohiʼi tau ako ke ina lau te Tohi-Tapu ʼi te ʼaho fuli mo fakaha age ki ai tona faʼahiga fakahoko. (th ako 19)
Katiko 126
7. Nofo Teuteu Moka Hoko He Tuʼutamaki
(15 min.) Faipalalau.
ʼE fai e he tagata ʼafeā. Lau ia te ʼu fakamanatu neʼe foaki mai e te filiale pea mo te kau tagata ʼafeā, mo kapau ʼe maʼu.
ʼE tou maʼuʼuli nei ʼi “te ʼu ʼaho fakamuli,” pea ʼe toe lahi age anai ʼotatou fihifihia. (2Ti 3:1; tokoni ki te ako ʼo Mat 24:8, nwtsty) ʼE maʼu tuʼumaʼu pe e te hahaʼi ʼa Sehova, ʼi muʼa, peʼe moka hoko he tuʼutamaki ni fakatotonu ʼe haofaki ai natou. ʼE fakalogo totatou haofaki ki te ʼu faʼahi ʼe tou fai nei moʼo fakamalohiʼi tatatou tui mo tatatou teuteuʼi te ʼu meʼa ʼae ʼe ʼaoga mai anai kia tatou.—Taa 14:6, 8.
Fakamalohiʼi tau tui: Taupau he ʼu agamahani ʼe lelei, ohage ko te lau ʼo te Tohi-Tapu mo te ako tokotahi. Ke ke faiva ʼi te ʼu aluʼaga kehekehe ʼo te faifakamafola. Kapau ʼe ke to tokatahi ʼo mole kei ke fakatahi mo te kokelekasio, ʼaua naʼa ke mataku. (Taa 14:30) Pea ʼe nofo tuʼumaʼu pe anai ia Sehova mo Sesu pea mo koe.—od 176 ¶15-17
Nofo teuteu ʼi te faʼahi fakasino: Teuteuʼi tau kato haofaki maʼuli, pea mo tuku keheʼi he ʼu meʼa kai, mo he ʼu foʼi hina vai, mo he ʼu faitoʼo pea mo te tahi ʼu meʼa ʼe ʼaoga anai kia koe mo kapau ʼe tou nofo punupunu ʼo fualoa.—Taa 22:3; g17.5 4
Fakahaʼele te ʼATA VITEO Kua Kotou Teuteu Koa Ki Te ʼu Tuʼutamaki Fakanatula? Fehuʼi ki te nofoʼaki:
ʼE lava tokoni feafeaʼi mai ia Sehova moka hoko he tuʼutamaki?
Kotea ʼae ʼe feala ke tou fai nei ke tou nonofo teuteu?
ʼE feafeaʼi hatatou tokoni kia natou ʼae ʼe tau mo he tuʼutamaki?
8. Ako Tohi-Tapu ʼo Te Kokelekasio
(30 min.) bt kap. 26 ¶18-22, te ʼa takai ʼi te p. 209