22-28 TESEPELI
ESAIA 11-13
Katiko 14 Pea Mo Te Faikole | Fakaha Te Polokalama (1 min.)
1. Kotea ʼe Ui ʼi Te Tohi-Tapu ʼo ʼUhiga Mo Te Mesia?
(10 min.)
ʼE hifo anai mai te hologa ʼo Sese ʼaki tona foha ko Tavite (Esa 11:1; ip-1-F 159 ¶4-5-mwbr)
ʼE ina maʼu anai te laumalie ʼo te ʼAtua pea ʼe manavasiʼi anai kia Sehova (Esa 11:2, 3 ʼuluaki koga; ip-1-F 159 ¶6; 160 ¶8-mwbr)
ʼE liliu anai ko he tuʼi fakamau faitotonu mo manavaʼofa (Esa 11:3 lua koga-5; ip-1-F 160 ¶9; 161 ¶11-mwbr)
METITASIO KI AI: Kotea ʼae ʼe lelei age ai ia Sesu ʼi te ʼu pule fakatagata?
2. Koloa Fakalaumalie
(10 min.)
Esa 11:10—Neʼe hoko feafeaʼi ia te lea fakapolofeta ʼaia? (ip-1 165-166 ¶16-18-mwbr)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Esa 11:1-12 (th ako 11)
4. Kamata He Faipalalau
(3 min.) FAIFAKAMAFOLA ʼI TE ʼU ʼAPI. (lmd ako 2 manatu 5)
5. ʼAʼahi
(4 min.) FAILAUPAPA. Fakaʼaogaʼi tatatou tuʼasila ʼi te neti jw.org moʼo tali ki he fehuʼi neʼe fai atu e he tahi. (lmd ako 8 manatu 3)
6. Fai Ni Tisipulo
(5 min.) Tokoni ki tau ako ke ina teuteuʼi tana faifakamafola ʼae mo koe ʼi te ʼu ʼapi. (lmd ako 11 manatu 4)
Katiko 57
7. ʼE Ke ‘Fakamauʼi Koa ʼAki He Fakamau ʼe Faitotonu’?
(15 min.) Faipalalau.
ʼI te ʼaho fuli, ʼe tou fakamauʼi te hahaʼi, kae ʼi ʼihi temi ʼe mole tou fakakaukauʼi. ʼE tou fakamauʼi tuʼumaʼu ʼihi ʼo mulimuli pe ki te ʼu meʼa ʼae ʼe tou sisio ki ai. Kae ʼe mole feia ia Sesu, ia totatou faʼifaʼitakiʼaga. (Esa 11:3, 4) ʼE feala kia Sesu ke sio ki te loto ʼo he tahi pea ke mahino ki ʼana manatu, mo ʼana fakakaukau, mo te ʼu tupuʼaga ʼae ʼo tana fai he meʼa. ʼE mole tou maʼu te fealagia ʼaia. Kae ʼe feala ke tou faiga malohi ʼo faʼifaʼitakiʼi ia Sesu. Neʼe ina ui fenei: “Tuku takotou fakamauʼi ʼo mulimuli ki te meʼa ʼae ʼe ha, kae kotou fakamauʼi ʼaki he fakamau ʼe faitotonu.”—Soa 7:24.
Kapau ʼe tou fakamauʼi ʼihi ʼo mulimuli ki te ʼu meʼa ʼae ʼe tou sisio ki ai, ʼe ʼi ai anai he ʼu fua kovi ki tatatou minisitelio. Ohage la, ʼe lagi mole tou fia olo ʼo faifakamafola ʼi he koga meʼa ʼe maʼuʼuli ai ni hahaʼi ʼe mole tou lanu tahi peʼe kau ʼi he tahi age faʼahiga lotu. Pea ʼe feafeaʼi age la ki te ʼu koga meʼa ʼae ʼe maʼuʼuli ai te kau maʼu koloa peʼe ko te kau masisiva? ʼE tou manatu koa ʼe mole fia logo anai he tahi ʼuhi ko tona agaaga? Kae ʼe loto e Sehova “ke haofaki te faʼahiga tagata fuli pe pea ke natou maʼu te ʼatamai malama totonu ʼo te moʼoni.”—1Ti 2:4.
Fakahaʼele te VITEO Te ʼu Ako Mai Te Tule Leʼo: Tuku Takotou Fakamauʼi ʼo Mulimuli Ki Te Meʼa ʼAe ʼe Ha. Fehuʼi ki te nofoʼaki:
Kotea te ʼu manatu fakapalatahi ʼae ʼe talanoa ʼi te viteo?
Kapau ʼe tou maʼu he ʼu manatu fakapalatahi ʼo ʼuhiga mo ʼotatou tehina mo tuagaʼane, ʼe malave feafeaʼi anai ki te kokelekasio?
Kotea ʼae neʼe tokoni ki te ʼu tehina mo tuagaʼane ʼae neʼe fakafehuʼi ke mole natou fakamauʼi ʼo mulimuli ki te meʼa ʼae ʼe ha?
Kotea te ʼu ako ʼae neʼe ke taʼofi mai te alatike ʼo Te Tule Leʼo?
8. Ako Tohi-Tapu ʼo Te Kokelekasio
(30 min.) lff kap. 21