Te ʼu Kupu Tafito

Ko te hahaʼi ʼi te malamanei katoa ʼe natou loto ke lahi age tonatou ʼateaina. Kae ʼe tonu ke feafeaʼi te manatu ʼa te kau Kilisitiano ʼo ʼuhiga mo te ʼateaina? ʼE fakamahino anai ʼi te ʼu alatike ʼaeni ʼe lua pe ʼe kotea ia te ʼateaina moʼoni, pe ʼe maʼu feafeaʼi, pea mo fakaʼaogaʼi feafeaʼi totatou ʼateaina ʼae ʼe fakatuʼakoi ʼi te temi nei ke fua lelei kia tatou pea mo ʼihi. Kae ko te maʼuhiga, ʼe tou ako anai ke tou fakaʼapaʼapa kia Sehova, te ʼAtua ʼo te ʼateaina moʼoni.

ʼI te ʼu alatike ʼaeni, ʼe tou ako ai anai ko Sehova ʼe ina fakalotomalohiʼi tuʼumaʼu ʼana kaugana. ʼE tou vakaʼi anai pe ʼe feafeaʼi tanatou faʼifaʼitakiʼi te ʼAtua pea mo tanatou fakalotomalohiʼi ʼihi. Pea ʼe tou mahino anai pe koʼe ʼe ʼaoga ke tou fefakalotomalohiʼaki ʼo laka age ʼi te temi nei.

Moka fakamuʼamuʼa e te kau tupulaga tanatou fakafiafiaʼi te loto ʼo Sehova, ʼe natou fiafia ai. ʼE tou maʼu ʼi te alatike ʼaeni he ʼu tupuʼaga ke fai ai e te kau tupulaga hanatou ʼu fakatuʼutuʼu ʼi te tauhi ʼae kia Sehova pea ke liliu te gaue faifakamafola ko he faʼahi maʼuhiga ʼaupito ʼi tonatou maʼuli.