’E feala mo’oni koa ke toe ma’uli ake he mate?

’E UI ’I TE TOHI-TAPU

“ ’E ’i ai anai he fakatu’uake.”​—Gaue 24:15, Traduction du monde nouveau.

TONA FAKA’UHIGA KIA KOUTOU

Te lotofimalie moka mate he tahi ’e tou ’o’ofa mamahi ai.​—2 Kolinito 1:3, 4.

Te ’ateaina mai te mataku ki te mate.​—Hepeleo 2:15.

Te ’amanaki mo’oni ’ae ke tou toe fakatahi mo natou ne’e tou ’o’ofa mamahi ai.​—Soane 5:28, 29.

’E FEALA KOA KE TOU TUI KI TE TOHI-TAPU?

’Ei, pea ko ’ona tupu’aga ’e tolu:

• Ko te ’Atua ’ae ’e ina Foaki te ma’uli. ’E fakahigoa’i ’i te Tohi-Tapu ia Sehova ’Atua ’e ko “te matapuna o te mauli.” (Pesalemo 36:10; Gaue 17:24, 25) ’E mahino papau ia, ’e ko he me’a noa ki te Tupu’aga ’o te ’u me’a ma’uli fuli hana toe fakama’uli he tahi kua mate.

• Ne’e fakahoko e te ’Atua te ’u fakatu’uake ’i te temi mu’a. ’E talanoa te Tohi-Tapu kia fakatu’uake ’e valu ki te ma’uli ’i te kele, ne’e ko te ’u haha’i tupulaga, mo matutu’a, tagata mo fafine. Ko ’ihi ne’e mole fualoa tanatou mamate, ka’e ’e ko te tokotahi pe ne’e kua ’aho fa tona tuku ’i te fale maka.​—Soane 11:39-44.

• ’E faka’amu e te ’Atua ke ina toe fai te fa’ahi ’aia. ’E fehi’a ia Sehova ki te mate, pea ’e ko he fili kia te ia. (1 Kolinito 15:26) Kua faka’amu ia ke ina tautea’i te fili ’aia, ke ina pulihi te mate pea mo fakahoko te fakatu’uake. He’e loto ia ke ina fakatu’uake ia natou ’ae ne’e ina taupau ’i tona loto ke natou toe ma’u’uli ’i te kele.​—Sopo 14:14, 15