ʼUluaki Palalau

ʼE TOKAGA MAI KOA IA TE ʼATUA KIA KOE?

Ka mamahi peʼe mate he tahi, peʼe hoko he tuʼutamaki, ʼe lagi tou feuiʼaki ai pe neʼe tokagaʼi koa e te ʼAtua. Kae, ʼe ui fenei ʼi te Tohi-Tapu:

“ ʼE sio te ʼu mata ʼo Sehova ki te kau faitotonu pea ʼe fagono ʼona taliga ki ʼanatou kolekole, kaʼe ʼe mole leleiʼia e Sehova ia natou ʼae ʼe natou fai he ʼu meʼa ʼe kovi.”—1 Petelo 3:12.

ʼE fakamahino mai ʼi te nusipepa ʼaeni pe ʼe tokoni feafeaʼi mai ia te ʼAtua kia tatou pea mo ʼana fakatuʼutuʼu ke fakagata te ʼu mamahi fuli.