Logo Faka Teokalatike

Angola: Neʼe maʼu te tupu foʼou ʼi te kau fai faka mafola ʼi Tesepeli ko te toko 35 034.

Bangladesh: ʼI te Fakatahi Faka Tisitilike “Te Tui Ki Te Folafola ʼa Te ʼAtua” ʼaē neʼe fai ʼi Dacca, neʼe kau ai te toko 142, pea neʼe papitema ai te toko 14. Neʼe mole heʼeki maʼu he kau papitema kaugamālie feiā ʼi te ʼu fakatahi ʼaē neʼe fai ʼi muʼa atu ʼi Bangladesh.

Bénin: Ko te kaugamālie ʼo te hahaʼi ʼaē neʼe kau ki te ʼu Fakatahi Faka Tisitilike “Te Tui Ki Te Folafola ʼa Te ʼAtua” neʼe ko te toko 15 633, pea neʼe papitema ai te toko 403. ʼE hā mai ʼi te tānaki gāue ʼo Tesepeli te tupu foʼou ʼi te kau fai faka mafola ko te toko 5 351.

Libéria: ʼI Tesepeli, neʼe fai te fakatahi lelei ʼi Monrovia, pea neʼe kau ai te toko 5 158. Neʼe maʼu ʼi te māhina ʼaia te tupu foʼou ʼi te kau fai faka mafola ko te toko 2 127.

Madagascar: ʼI Tesepeli, neʼe maʼu te tuputupu foʼou ko te 11 ʼi te teau, mo kapau ʼe tou fakatatau mo te taʼu ʼaenī kua hili, ʼo maʼu te toko 9 226 kau fai faka mafola.

St. Martin: Neʼe maʼu te tupu foʼou ʼi te kau fai faka mafola ʼi Tesepeli ko te toko 265—ko te tupu ʼaia ʼe ko te 10 ʼi te teau, mo kapau ʼe tou fakatatau mo te taʼu ʼaenī kua hili. Neʼe nātou fai te ʼu ako Tohi-Tapu e 310.