Logo Faka Teokalatike

Lumania: Neʼe maʼu he ʼu tupu lelei ʼi te kau pionie, tāfito ʼi te lahi ʼo te ʼu ako Tohi-Tapu, pea neʼe maʼu he tupu foʼou ʼaki te toko 37 502 ʼo nātou ʼaē neʼe kau ki te fai faka mafola ʼi Fepualio.

Norvège: ʼI Fepualio 1999, ko te kaugamālie ʼo te ʼu pionie vaeluaʼi temi neʼe ko he tupu ʼo te 72 ki te teau mokā fakatatau mo te māhina ʼo Fepualio 1998, ko te kaugamālie ʼo te ʼu pionie katoa neʼe ko he tupu ʼo te 9 ki te teau, ko te kaugamālie ʼo te ʼu ʼaʼahi neʼe ko he tupu ʼo te 4 ki te teau, pea ko te kaugamālie ʼo te ʼu ako Tohi-Tapu neʼe ko he tupu ʼo te 6 ki te teau. Neʼe toe tuputupu foki mo te lahi ʼo te ʼu tohi pea mo te ʼu kaupepa ʼaē neʼe tufa.

Te ʼu Motu Marshall: ʼI Fepualio neʼe gāue ai te toko 203 kau fai faka mafola​—ko he tupu ʼaia ʼo te 4 ki te teau mokā fakatatau mo te māhina ʼo Fepualio ʼo te taʼu ʼaenī kua ʼosi!