He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Tes.

“ ʼI te māhina ʼaenī, ʼe lahi te hahaʼi ʼe nātou manatuʼi ia Sesu Kilisito, peʼe nātou tui ki ai peʼe kailoa. Ko ʼihi ʼe nātou ʼui neʼe mole maʼuli moʼoni. Koteā tau manatu? [ʼI tana ʼosi tali atu, koutou lau ia Mateo 16:15, 16.] ʼE ʼau ʼiloʼi ʼe ke fia lau anai te alatike ʼaenī ʼo ʼuhiga mo ‘Te Sesu Moʼoni,’ ke ke ʼiloʼi ai peʼe feafeaʼi tona malave ki tou maʼuli ʼi te temi nei, pea ʼi te ka haʼu.”

Réveillez-vous ! ʼaho 22 ʼo Tes.

“ ʼI tau manatu, ʼe mole tonu koa la ke maʼu feʼauga he meʼa kai, ke feala hatatou maʼuli fīmālie? [Tuku ke ina tali atu.] Koutou fakatokagaʼi pe koteā ʼaē neʼe fakapapau e te ʼAtua ki tana hahaʼi ʼi te ʼu temi faka Tohi-Tapu. [Lau ia Levitike 26:4, 5.] ʼE fakamatala e te Réveillez-vous ! te ʼu tuʼania ʼo te temi ʼaenī ʼo ʼuhiga mo te meʼa kai. ʼE toe talanoa ki te temi ʼaē ka foaki ai e te ʼAtua te maʼuli fīmālie ʼi te malamanei katoa.”

Te Tule Leʼo ʼaho 1 ʼo San.

“E ke fia ʼiloʼi koa pe koʼe ko ʼihi hahaʼi ʼe hage ʼe nātou maʼuli fīmālie, kae ko ʼihi ʼe nātou maʼuli faigataʼa? ʼE tali te Tohi-Tapu ki te faʼahi ʼaia. [Lau ia Sopo 34:19.] ʼE fakamahino ʼi te nusipepa ʼaenī, ʼe fia molehi e te ʼAtua te fakapalatahi.”

Réveillez-vous ! ʼaho 8 ʼo San.

“Kua tou ʼiloʼi fuli te tuʼutāmaki ʼaia ʼaē neʼe punamaʼuli ai te malamanei katoa. ʼI te hili ʼo te tuʼutāmaki ʼaia neʼe tonu ke foaki he ʼu fakaloto fīmālie pea mo he tokoni lahi. Ko te alatike ʼaenī, ʼe ina fakamahino mai pe koteā te ʼu meʼa ʼaē neʼe fai e te kau Fakamoʼoni ʼa Sehova moʼo tokoni ki te hahaʼi ʼaē neʼe hāo ʼi te tuʼutāmaki ʼaia, mo te ʼu hahaʼi ʼo te ʼu fale lopitali, pea mo te ʼu hahaʼi ʼaē neʼe mate ai he tahi ʼo tonatou famili.”