He ʼu Manatu ʼo ʼUhiga Mo Te ʼu Nusipepa

ʼaho 15 ʼo Sūnio

“ ʼI tau manatu ʼe pulihi anai koa te ʼu fihifihia ohage ko te ʼu fihifihia ʼaenī? [Lau te ʼu ʼuluaki palalau ʼo te ʼuluaki alatike, pea koutou tuku ke fai mai hana tali.] Ko te Folafola ʼa te ʼAtua ʼe ina fakapapau mai ʼe vave fakagata anai te ʼu fihifihia ʼaia. [Lau ia Pesalemo 72:12-14.] Ko Te Tule Leʼo ʼaenī ʼe ina fakamahino atu peʼe feafeaʼi anai te fakahoko ʼo te faʼahi ʼaia.”

Réveillez-vous ! ʼaho 22 ʼo Sūnio

“ ʼI tau manatu, ʼe feala anai koa ke maʼu e te hahaʼi fuli ʼi te kele te ʼāteaina moʼoni? [Tuku ke fai mai hana tali.] ʼE feala ke ke tokagaʼi te fakapapau taulekaleka ʼaenī ʼa te ʼAtua. [Lau ia Loma 8:21.] Ke hoko moʼoni te fakapapau ʼaia ʼe tonu ke pulihi te faʼahiga popūla kehekehe, ʼe mole koia koa la ʼaia? ʼE fakahā e te Réveillez-vous ! ʼaenī peʼe hoko feafeaʼi anai te faʼahi ʼaia.”

Te Tule Leʼo ʼaho 1 ʼo Sūlio

“ ʼE fakaʼaogaʼi e te lauʼi miliona hahaʼi te ʼu paki ʼi tanatou tauhi, kae maʼa te tahi ʼu hahaʼi e lauʼi miliona ʼe kovi te faʼahi ʼaia. Neʼe mole heʼeki ke feʼekeʼaki koa pe koteā te manatu ʼa te ʼAtua ki te faʼahi ʼaia? [Tuku ke fai mai hana tali. Pea lau ia Soane 4:24.] ʼE fakahā e te ʼu alatike ʼaenī te kamataʼaga ʼo te fakaʼaogaʼi ʼo te ʼu paki pea koteā ʼaē ʼe ʼui e te Tohi-Tapu ʼo ʼuhiga mo te tauhi ʼaki te ʼu paki.”

Réveillez-vous ! ʼaho 8 ʼo Sūlio

Neʼe fakakikite e te Tohi-Tapu ʼe ʼi ai anai he ʼu temi faigataʼa ʼi te ʼu ʼaho fakamuli. [Lau ia 2 Timoteo 3:1, 3.] ʼI te malamanei katoa, ko te ʼu tuʼuga fai fakapō ʼaē ʼe hoko ʼe nātou fakamoʼoni ki te faʼahi ʼaia. ʼE mahino ia ʼe kovi age te ʼaluʼaga ʼaia mokā neʼe mole ʼi ai he kau polisi! Ko te Réveillez-vous ! ʼaenī ʼe palalau ʼo ʼuhiga mo te ʼu faigataʼa ʼaē ʼe tau mo te kau polisi ʼi te malamanei katoa.