He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼAuk.

“Ia ʼaho nei, ʼe kumi tokoni te hahaʼi ʼo ʼuhiga mo te nofo ʼohoana pea mo te pusiaki ʼo te fānau. ʼI tau manatu, ʼe tou lava maʼu ʼifea te ʼu tokoni ʼaē ʼe lelei? [Tuku ke fai mai hana tali.] Ko Te Tule Leʼo ʼaenī ʼe talanoa ki he ʼu tokoni lelei ʼo ʼuhiga mo te maʼuli faka famili ʼaē ʼe foaki mai e te Tupuʼaga ʼo te malamanei.” Lau age ia Pesalemo 32:8.

Réveillez-vous! ʼaho 22 ʼo ʼAuk.

“ ʼI tau manatu, ʼe tonu ke taupau feafeaʼi e te ʼu tāmai tanatou fānau? [Tuku ke fai mai hana tali.] Ko te Réveillez-vous ! ʼaenī ʼe talanoa ʼo ʼuhiga mo te tuputupu ʼo te ʼu famili ʼaē ʼe mole kei ʼi ai he tāmai. ʼE ina toe fakamahino ai peʼe lava tokoni lelei feafeaʼi te ʼu tāmai ki tanatou fānau.” Lau age ia Tāʼaga Lea 13:1.

Te Tule Leʼo ʼaho ʼaho 1 ʼo Sep.

“Ko tatou fuli ʼe tou loto ke tou fiafia. ʼI tau manatu, ko te ʼu meʼa fuli ʼaē ʼe tuʼu ʼi henī ʼe nātou lava foaki mai koa te fiafia? [Lau age ia Mateo 5:4a, 6a, 10a. Pea koutou tuku ke fai mai hana tali.] ʼE fakamahino e te nusipepa ʼaenī te faka ʼuhiga ʼo te ʼu kupu ʼiloa ʼaenī ʼo te Akonaki ʼi Te Moʼuga. ʼE toe vakaʼi ai te tahi faʼahi ʼe tou maʼu ai te fiafia.”

Réveillez-vous! ʼaho 8 ʼo Sep.

“ ʼE fakafuafua, ko te toko tahi ʼi te toko 4 hahaʼi ʼe ina maʼu anai te mahaki ʼo te ulu ʼi he lakaga pe ʼo tona maʼuli. Tokolahi ia tatou ʼe tou ʼiloʼi he tahi ʼe nofo mo te mahaki ʼaia. [Avahi age te nusipepa.] ʼE foaki e te alatike ʼaenī he ʼu tokoni ʼaoga ʼo ʼuhiga mo te meʼa ʼaē ʼe feala ke tou fai mo kapau ko he tahi ʼe tou ʼofa ai ʼe tau mo te mahaki ʼaia.”