Te ʼu Lelei ʼo Te Foʼi Fime Viteo Pas de sang : la médecine relève le défi

Koteā ʼaē ʼe koutou ʼiloʼi ʼo ʼuhiga mo te ʼu faitoʼo ʼaē ʼe feala ke koutou filifili ʼe mole fakaʼaogaʼi ai te toto? ʼE koutou mahino koa peʼe koteā te ʼu faitoʼo ʼaē ʼe feala ke nātou fetogi te ʼu foʼi huki toto pea ʼe fakaʼaogaʼi feafeaʼi koa ia te ʼu faitoʼo ʼaia? Koutou sioʼi te ʼata ʼaia, pea ʼaki te ʼu fehuʼi ʼaenī, koutou vakaʼi peʼe koteā ʼaē ʼe koutou mahino kiai.—Fakatokaga: ʼI te ʼata ʼaia, ʼe fakaʼasi nounou pe ia te ʼu fai tafa, koia ʼe fakaʼeteʼete anai ia te ʼu mātuʼa peʼe feala he sioʼi e tanatou fānau peʼe kailoa.

(1) Koteā te tupuʼaga tāfito ʼaē ʼe mole tali ai e te kau Fakamoʼoni ʼa Sehova te ʼu foʼi huki toto, pea ko te vaega fea ʼo te Tohi-Tapu ʼaē ʼe tuʼu ai te pelesepeto ʼaia? (2) Koteā te ʼu faitoʼo ʼaē ʼe tou loto kiai? (3) Koteā te meʼa ʼaē ʼe feala ke kole e ia ʼaē ʼe mahaki? (4) He koʼe ʼe ko he aga fakapotopoto te fakafisi ki te ʼu foʼi huki toto? (5) Ka lahi fau te toto ʼaē neʼe puli, koteā te ʼu ʼuluaki faʼahi maʼuhiga e lua ʼe tonu ke fai e te kau tōketā? (6) Koteā te ʼu mahaki ʼaē ʼe feala ke tou maʼu ʼaki te ʼu foʼi huki toto? (7) Koteā te ʼu meʼa gāue ʼaē ʼe feala ke fakaʼaogaʼi e te ʼu tōketā ke mole lahi te puli ʼo te toto ʼi te ʼu fai tafa? (8) Koteā ʼaē ʼe tonu ke fakahā atu ʼo ʼuhiga mo te ʼu faitoʼo ʼaē ʼe nātou fetogi te ʼu foʼi huki toto? (9) ʼE feala koa ke fai he ʼu tafa lalahi pea mo faigataʼa ʼe mole fakaʼaogaʼi ai te ʼu foʼi huki toto? (10) Koteā ʼaē ʼe fia fai e te tokolahi ʼo te kau tōketā maʼa te kau Fakamoʼoni ʼa Sehova, pea koteā ʼaē ʼe feala ke mulimuli kiai te ʼu tōketā mokā nātou faitoʼo te hahaʼi māhahaki fuli?

Ko te tali ʼo he faʼahiga faitoʼo ʼe fakahā ʼi te ʼata ʼaia, ʼe fakalogo kiā tatou takitokotahi pea ʼe tonu ke tou fakakaukauʼi lelei.—Vakaʼi Te Tule Leʼo ʼo te ʼaho 15 ʼo Sūnio 2004, ʼi te p. 22 ki te 24, mo te p. 29 ki te 31, pea mo Te Tule Leʼo ʼo te ʼaho 15 ʼo ʼOketopeli 2000, ʼi te p. 30 ki te 31.