He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Fep.

“ ʼI ʼihi temi, ʼe tou logo ki te ʼu fakamatala neʼe ʼui neʼe hoko te milakulo. [Fakahā age he faʼifaʼitaki.] Ko ʼihi ʼe nātou faka tui ki te ʼu fakamatala ʼaia, pea ko ʼihi ʼe mole nātou faʼa tui kiai. Ko te nusipepa ʼaenī ʼe ina fakahā mai pe neʼe hoko moʼoni te ʼu milakulo ʼaē ʼe tuʼu ʼi te Tohi-Tapu, peʼe feala ke toe hoko te ʼu milakulo ʼaia ia ʼaho nei.” Lau age ia Selemia 32⁠:21.

Réveillez-vous! ʼaho 22 ʼo Fep.

“ ʼI te temi muʼa, neʼe fakatotonu e te ʼAtua ki te ʼu fānau ke nātou fakaʼapaʼapa ki tanatou faʼē pea mo tanatou tāmai. [Lau age ia Ekesote 20⁠:12.] ʼI tau manatu, ʼe kei fakaʼapaʼapaʼi koa ia te ʼu faʼē ia ʼaho nei? [Tuku ke fai mai hana tali.] Ko te nusipepa ʼaenī ʼe ina fakahā mai ia te ʼu fihifihia ʼaē ʼe tau mo te ʼu faʼē ʼi te ʼu fenua kehekehe, pea mo te ʼu puleʼaki ʼaē ʼe nātou fai moʼo fakatokatoka ia te ʼu fihifihia.”

Te Tule Leʼo ʼaho 1 ʼo Mal.

“ ʼI tau manatu, ʼe feala koa ke lelei age ia te malamanei mo kanapaula neʼe maʼuliʼi e te hahaʼi fuli ia te tokoni ʼaenī? [Lau age ia Loma 12⁠:​17, 18. Pea tuku ke fai mai hana tali.] Meʼa fakaʼofaʼofa, ʼe hoko ʼi ʼihi temi te ʼu tokakovi ʼi te hahaʼi. Ko te nusipepa ʼaenī ʼe ina fakahā mai peʼe lava tokoni feafeaʼi mai te Tohi-Tapu ke tou fakatokatoka te ʼu tokakovi pea mo tou maʼuli tokalelei.”

Réveillez-vous! ʼaho 8 ʼo Mal.

“ ʼI te taʼu fuli, kua ʼaoga ke lahi age te ʼu mālohi kehekehe moʼo fakahaʼele te ʼu masini hila kehekehe pea mo te ʼu motokā. Fakakaukauʼi age muʼa mo kanapaula neʼe mole kei ʼi ai te ʼu mālohi ʼaia? [Tuku ke fai mai hana tali.] Ko te nusipepa ʼaenī ʼe ina fakahā mai te ʼu gāue ʼaē neʼe fai moʼo faʼu he ʼu masini ʼe nātou faʼu te hila, kae ʼe mole nātou ʼulihi te ʼaele. ʼE ina toe fakahā mai foki ia te Matapuna ʼo te hila.” Lau age ia Isaia 40⁠:26.