He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApe.

“Ko te lauʼi miliona hahaʼi ʼi te temi nei ʼe natou tui ki te ʼu ʼāselo. Neʼe mole heʼeki ke feʼekeʼaki koa pe neʼe tutupu feafeaʼi te kau ʼāselo? [Tuku ke fai mai hana tali. Pea kotou lau age ia Sopo 38:4, 6, 7.] ʼE fakahā ʼi te Tohi-Tapu neʼe fakatupu e te ʼAtua te kau ʼāselo, pea neʼe fakatupu nātou ʼi muʼa atu ia ʼo te tagata. [Fuli age te pāsina 7.] ʼE fakahā ʼi te nusipepa ʼaenī te gāue maʼuhiga ʼaē kā vave fai anai e te kau ʼāselo.”

Réveillez-vous! ʼo ʼApe.

“Tokolahi te hahaʼi ʼe natou ʼui ʼe natou Kilisitiano. ʼI tau manatu lā, koteā te faka ʼuhiga ʼo te kupu Kilisitiano? [Tuku ke fai mai hana tali.] Fakatokagaʼi te ʼu palalau ʼaenī neʼe fai e Sesu. [Lau age ia Soane 15:14.] ʼE fakahā ʼi te ʼalatike ʼaenī ʼe mole gata pē te ʼui ʼaē e he tahi ʼe Kilisitiano.” Fakahāhā age te ʼalatike ʼaē ʼi te pāsina 26.

Te Tule Leʼo ʼaho 1 ʼo Maio

“ ʼI te temi nei, ʼe tautau hoko ki te hahaʼi fuli he ʼu faigataʼaʼia lahi. Tokolahi ʼe natou kumi he takitaki ki te ʼu hahaʼi fai tokoni kehekehe. ʼI tau manatu lā, ʼe tou lava maʼu ʼifea he ʼu tokoni lelei ʼe ʼaoga moʼoni anai kiā tātou? [Tuku ke fai mai hana tali. Pea kotou lau age ia Pesalemo 119:105 pea mo fuli age te pāsina 14.] ʼE fakahā ʼi te nusipepa ʼaenī pe lava tokoni feafeaʼi mai te Tohi-Tapu ke tou tauʼi te ʼu faigataʼa ʼaē ʼe feala ke hoko kiā tātou.”

Réveillez-vous! ʼo Maio

“Ko ʼihi hahaʼi ʼe natou maʼu koloa, kae ko ʼihi lauʼi miliona hahaʼi ʼe māʼuʼuli māsisiva. ʼI tau manatu lā, ʼe pulihi anai ʼi he temi te fakapalatahi ʼaia? [Tuku ke fai mai hana tali.] ʼE feala ke ke tokagaʼi pe koteā te manatu ʼa te ʼAtua ʼo ʼuhiga mo nātou ʼaē ʼe māsisiva. [Lau age ia Pesalemo 22:24.] ʼE fakamahino ʼi te nusipepa ʼaenī te ʼamanaki ʼaē ʼe tuku mai ʼi te Tohi-Tapu ʼo ʼuhiga mo te kau māsisiva.”