He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sānualio

“ ʼI tau manatu lā, koteā ʼaē ʼe feala ke tou fai ke tou maʼu ai he maʼuli fīmālie? [Tuku ke fai mai hana tali pea kotou lau age ia Sosue 1:6-9.] ʼE loto e te ʼAtua ke tou maʼuli fīmālie.” Fakahā age te ʼalatike ʼaē ʼe kamata ʼi te pāsina 22.

Réveillez-vous! ʼo Sānualio

Lau age ia Gāue 17:31a. Pea kotou ʼui fēnei age: “Tokolahi te hahaʼi ʼe natou mātataku mokā natou manatu ki te ʼAho ʼo Te Fakamāu. Kaeā koe? [Tuku ke fai mai hana tali.] ʼE akoʼi mai ʼi te Tohi-Tapu, ʼi te ʼAho ʼo Te Fakamāu ʼe maʼu ai anai he ʼu tuʼuga lelei ki te kele. ʼE fakamahino ʼi te ʼalatike ʼaenī ia te faʼahi ʼaia.” Fakahā age te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo Fepualio

“ ʼE kehekehe ia te manatu ʼa te ʼu lotu ʼo ʼuhiga mo te ʼinu kava. Kiā koe, koteā te manatu ʼa te ʼAtua mokā ʼinu kava he tahi? [Tuku ke fai mai hana tali.] Logolā ʼe fakamatala ʼi te Tohi-Tapu ia te fetogi fakamilakulo ʼaē e Sesu ia te vai ke liliu ko he vino, ʼe toe ʼui fēnei ʼi ai. [Lau age ia Tāʼaga Lea 23:20a.] ʼE fakahā ʼi te nusipepa ʼaenī ia te manatu fakapotopoto ʼa te Tohi-Tapu ʼo ʼuhiga mo te faʼahi ʼaia.”

Réveillez-vous! ʼo Fepualio

“Iā ʼaho nei, ʼe ko he meʼa māhani ia te māvete ʼa he taumātuʼa. ʼI tau manatu lā, ʼe tokolahi koa ia te ʼu taumātuʼa ʼaē ʼe natou vakavakaʼi ia te ʼu faʼahi fuli ʼo tonatou maʼuli fakataumātuʼa ʼi muʼa ʼo hanatou fai te tonu ʼaē ke natou māvete? [Tuku ke fai mai hana tali. Pea kotou lau age ia Tāʼaga Lea 14:15.] ʼE fakahā ʼi te nusipepa ʼaenī ia faʼahi e fā ʼe tonu ke vakaʼi e te ʼu taumātuʼa mokā natou fakatuʼutuʼu ke natou māvete.”