ʼE Tonu Koa Ke Kotou Tuku?

Ko ʼihi kau faifakamafola ʼe ko hanatou agamahani te tuku ʼo tanatou gaue ʼi he hola pe, ohage la ko te fetapa. ʼE mahino ia, ʼe ʼi ai te ʼu aluʼaga ʼe tonu ai ke tuku e ʼihi tanatou minisitelio ʼi he hola kua fakatuʼutuʼu ki ai. Kaʼe ʼe tonu koa ke tuku takotou faifakamafola ʼuhi pe ko tona tuku e ʼihi, pe ʼe ko he agamahani ʼi tokotou telituale te tuku ʼo te ʼu gaue ʼi he hola? ʼE feala koa hakotou hoko atu takotou gaue ʼi ni minuta pea mo fai te faifakamafola faigamalie, ohage la ʼi te lapalasi pe ʼe ʼi te taulaga ka? ʼE feala koa hakotou fai he ʼaʼahi ʼe tahi pe ʼe lua ʼi takotou liliu ʼae ki tokotou ʼapi? Kotou fakakaukauʼi te lelei ʼae ka kotou fai mo kapau ʼe kotou toe maʼu atu he tahi neʼe fia logo ki tona ʼapi, pe ʼe kotou tuku he ʼu nusipepa ki he tahi ʼi te ʼala. Kapau ʼe mole tonu ke tou tuku vave, pea ko te hoko atu ia te gaue ʼi ni minuta ʼe ko te tahi faʼahiga fakalahi ʼaia ʼo tatatou “sakilifisio o te fakavikiviki.”—Hep. 13:15.