Tou Faiga Ke Tou Kamata He ʼu Ako Tohi-Tapu ʼi Te ʼUluaki Moeaki

Talu mai te mahina ʼo Maio ʼo te taʼu 2011, neʼe fakalotomalohiʼi te kau faifakamafola ke natou kamata he ʼu ako Tohi-Tapu ʼi te ʼuluaki Moeaki ʼo te mahina. Koia, ʼe ʼi ai te alatike ʼae ko tona kupu tafitō “Te ʼu Tali Ki Te ʼu Fehuʼi Fakatohi-tapu” neʼe fai tafitō maʼa Te Tule Leʼo ki te tufa. ʼE lelei ke tou fakaha ʼaki he faʼifaʼitaki ʼi te fono gaue, ʼi muʼa ʼo te ʼuluaki Moeaki ʼo te mahina, pe ʼe tou lava kamata feafeaʼi he ʼu ako Tohi-Tapu.

ʼE feala ke fakatuʼutuʼu e te kau tagata ʼafeā ke natou vaevae ia te ʼu kiʼi kutuga faifakamafola ʼi te ʼuluaki Moeaki ʼo te mahina, peʼe natou fakatahiʼi ia te kokelekasio ʼi te Fale Fono. Kaʼe kapau ʼe lahi he ʼu kokelekasio ʼe natou fakaʼaogaʼi ia te Fale Fono, ʼe feala ke fakatuʼutuʼu ia te ʼaho makehe ʼaia ʼi he tahi age ʼaho, ke feala ke fai fakatahi ia he fono faifakamafola ki te kokelekasio katoa.