Tou Fakaʼaogaʼi Ia Te Kiʼi Pepa Lotu Foʼou ʼo ʼuhiga Mo Tatatou Tuʼasila ʼi Te Neti

Ko te kupu tafitō ʼo te kiʼi pepa lotu ʼE Tou Maʼu ʼIfea Te ʼu Tali Ki Te ʼu Fehuʼi Maʼuhiga ʼo Te Maʼuli? ʼI te tuʼa pasina ʼo te pepa lotu ʼaia, ʼe lagaʼi ai te ʼu fehuʼi maʼuhiga ʼe tolu. Kapau ʼe feala, kotou fehuʼi age ki he tahi peʼe ko te fehuʼi fea la ʼae ʼe ina leleiʼia pea mo fakaha age ʼe ina maʼu te tali ki tana fehuʼi ʼi tana alu ki te Neti ʼo lomiʼi LA BIBLE ET VOUS > QUESTIONS BIBLIQUES. Pea ʼe ina maʼu anai he ʼu tali ki ʼihi atu ʼu fehuʼi, ohage la Kotea Ia Te Puleʼaga ʼo Te ʼAtua? peʼe Kotea ʼAe Ka Fakahoko Anai e Te Puleʼaga ʼo Te ʼAtua?

Tou tufa ia te kiʼi pepa lotu ʼaia moʼo tokoni ki te hahaʼi ke natou ako pe kotea ʼae ʼe ui mai ʼi te Tohi-Tapu ʼo ʼuhiga mo totatou ka haʼu ʼi te takitaki ʼo te Puleʼaga ʼo te ʼAtua.