Fakaʼaogaʼi Te jw.org ʼi Tatatou Minisitelio

Ko tatatou tuʼasila ʼi te Neti ʼe ko he meʼa gaue lelei moʼo tala te logo lelei ke “kaku ki te u potu fuli o te malamanei.” (Gaue 1:8) Tokolahi te hahaʼi ʼe mole natou maʼu ia tatatou tuʼasila jw.org. Kaʼe ʼe hoki feala pe ke natou maʼu moka ʼe tou fakaha age ia te tuʼasila.

Ko he taupau feʼaluʼaki neʼe ina toʼo mai te Neti ia te kiʼi ʼata viteo He Ko ʼe ʼe Lelei Ke Ke Ako Te Tohi-Tapu? ʼo puke ki tana telefoni toʼotoʼo pea ʼe ina fakaha ki te hahaʼi. Ohage la, mo ka alu o faifakamafola ʼe ina ui fenei: “ʼE au ʼaʼahi fakavilivili pe te hahaʼi ke natou maʼu he ʼu tali ki te ʼu fehuʼi maʼuhiga ʼe tolu: Heʼe ko ʼe ʼe lahi ia te ʼu fihifihia ʼi te malamanei? ʼE feafeaʼi anai he fakatokatoka e te ʼAtua ia te ʼu fihifihia? ʼI tatatou fakatalitali ki ai, ʼe feafeaʼi hatatou katakiʼi te faʼahi ʼaia? ʼE tali ki ai te kiʼi ʼata viteo ʼaeni.” ʼE ina foimo fakaha age te kiʼi ʼata viteo mo ina sioʼi pe ʼe feafeaʼi tana agaaga sio. Tokolahi ʼi tanatou leleiʼia te kiʼi ʼata viteo neʼe natou sioʼi ai ki tona fakaʼosi. Pea neʼe ui fenei e te taupau feʼaluʼaki: “ʼE kotou logo ʼe feala takotou kole hakotou ako Tohi-Tapu ʼi te Neti. Koia, ʼe feala ke au fakaha atu pe ʼe feafeaʼi tona fakahoko.” Kapau ʼe loto ki ai, kotou fakaha age pe ʼe feafeaʼi he fai ʼo hana ako ʼaki te kaupepa lahi te ʼu Logo Lelei. Kapau ʼe mole maʼu hona temi, ʼe feala ke ina fai ʼi tana toe liliu ki ai. Moka alu ki te fale kafe ʼe faiga ke faipalalau mo he tahi pea ʼe ina toe fakaha age aipe te kiʼi ʼata viteo. ʼE feala koa hakotou fakaʼaogaʼi ia tatatou tuʼasila ʼo te Neti jw.org ʼi takotou minisitelio?