“Ke Nofo . . . i Tou Loto Te u Folafola Aeni”

ʼE hage te ʼu matuʼā ko te ʼu tauhi ovi. ʼE tonu ke natou tokakaga ki ʼanatou fanau koteʼuhi ʼe faigafua te fakahalaʼi pea mo te ʼohofi ʼo natou. (Taag. 27:23) Kotea ʼae ʼe tonu ke fai e te ʼu matuʼā? ʼE tonu ke natou toʼo he temi ke natou felogoʼi mo ʼanatou fanau, ke feala ai ke natou iloʼi ʼanatou manatu pea mo te ʼu meʼa ʼae ʼi tonatou loto. (Taag. 20:5) Pea tahi, ʼe tonu ki te ʼu matuʼā ke natou fakamalohiʼi te tui ʼo ʼanatou fanau. (1 Ko. 3:10-15) Koia ʼe fakaha lelei ʼi te kiʼi ʼata viteo ʼaeni ia te maʼuhiga o te fai ʼo te ako fakafamili ʼi te ʼu vahaʼa fuli. Kotou sioʼi te kiʼi ʼata viteo ʼaeni “Ces paroles devront être sur ton cœur” (Ke Nofo . . . i Tou Loto Te u Folafola Aeni) mo tokotou famili pea mo faipalalau ʼo mulimuli ki te ʼu fehuʼi ʼaeni.

(1) Kotea ʼae neʼe tupu ai te mole kei fia fai e te kiʼi famili Roman te ʼu meʼa fakalaumalie? (2) He koʼe neʼe mole fua lelei te ʼuluaki ako fakafamili ʼa te tehina ko Thomas? (3) Ko te vaega Tohi-Tapu fea ʼe feala ke tokoni mai ke lelei age tatatou akoʼi ʼatatou fanau? (Tet. 6:6, 7) (4) Kotea ʼae ʼe feala ke tokoni ke lelei age he felogoʼi ʼi te famili? (5) Kotea ia te ʼu sakilifisio ʼe loto e te ʼu fanau ke fai ʼe ʼanatou matuʼā? (6) Neʼe tokoni feafeaʼi ia te taumatuʼa ko Martin mo Isabelle Barrow ki te kiʼi famili Roman? (Taag. 27:17) (7) Kotea ʼae ʼe tonu ke fai fakatomuʼa e te pule ʼo te famili ke iku lelei ai te ako fakafamili? (8) Kotea te ʼu fetogi neʼe fai e te tehina ko Thomas ʼi tona famili? (9) He koʼe ʼe maʼuhiga ke fai tuʼumaʼu he ako fakafamili? (Efe. 6:4) (10) Kotea ʼihi manatu ʼe ʼaoga ki te ako fakafamili? (11) Neʼe tokoni feafeaʼi ia te tehina ko Thomas kia Mathias ke mahino ki te maʼuhiga ʼae ʼo te fai ʼo te meʼa ʼae ʼe lelei? (Sel. 17:9) (12) Neʼe tokoni feafeaʼi ia te taumatuʼa Roman kia Rebecca ke ina fai he tonu lelei ʼo ʼuhiga mo ʼana felogoʼi mo Justin? (Mko. 12:30; 2 Tim. 2:22) (13) Neʼe fakaha feafeaʼi e te taumatuʼa Roman te falala ʼi te temi ʼae neʼe nā fai ai he ʼu fetogi ʼi tonā maʼuli? (Mat. 6:33) (14) ʼE fakaha feafeaʼi ʼi te kiʼi ʼata viteo ʼaeni te maʼuhiga ke fakahoko e te ʼu pule famili tonatou maʼua ʼae ki ʼonatou kiʼi famili ʼi te faʼahi fakalaumalie? (1 Tim. 5:8) (15) ʼI tokotou ʼuhiga pule famili, kotea ʼae ʼe kotou fakatotonu ke kotou fai?

NOTA KI TE ʼU PULE FAMILI: Neʼe ha ʼi te ʼata viteo ʼaeni ia te fakatahi fakafenua ʼae neʼe fai ʼi te taʼu 2011. ʼI te temi ʼaia, neʼe lagi kotou fakatuʼutuʼu ke kotou hikihiki takotou ako fakafamili. ʼE feafeaʼi kia ʼaho nei? Kapau ʼe ʼaoga ke kotou fai he ʼu fetogi, kotou fai te ʼu fetogi ʼaia ʼi te faikole ki te maʼuli fiafia ʼo tokotou kiʼi famili.—Efe. 5:15-17.