ʼE Kotou Fakaʼaogaʼi Koa Ia Te Kiʼi Kate JW.ORG?

Kua ovi mai te mamahi lahi, ʼe tonu ki te faifakamafola ke faifakavilivili. (Taa 24:11, 12, 20) Moʼo tokoni ki te hahaʼi ʼe tonu ke tou fakaʼaogaʼi te ʼu kiʼi kate JW.ORG ke natou fia lau te Folafola ʼa Te ʼAtua pea ke natou iloʼi tatatou tuʼasila ʼi te Neti. ʼE maʼu ai te code ʼo te ʼata viteo ʼaeni He Ko ʼe ʼe Lelei Ke Ke Ako Te Tohi-Tapu?. Peʼe fai hanatou ʼu fekumi peʼe ko hanatou ako Tohi-Tapu. Ko ʼihi hahaʼi ʼe mole natou tali ʼatatou nusipepa. Kaʼe ʼe natou fia olo ki tatatou tuʼasila ʼi te Neti. ʼAua naʼa kotou fakatuatuai ʼi te foaki te kiʼi kate JW.ORG. Kaʼe ʼaua naʼa tuku te ʼu kiʼi kate kia natou ʼae ʼe mole natou fia fai ki ai.

ʼI ʼakotou gaue ʼae ʼi te ʼaho fuli, ʼe feala pe hakotou ʼave mo koutou pea kotou ui age ki he tahi: “ ʼE au fia ʼavatu he kiʼi kate. ʼE feala pe tau alu ki tomatou tuʼasila ʼi te Neti pea ʼe ke maʼu ai he ʼu fakamahino ʼe mole totogi pea ʼe feala pe ke ke sioʼi te ʼu ʼata viteo ʼe ha ai he ʼu manatu ʼe kehekehe.” (Soa 4:7) ʼE feala pe tau ʼave he ʼu tuʼuga kate JW.ORG pea ke tufa ki te hahaʼi.