TE MAʼULI FAKAKILISITIANO
Ko ʼAfea ʼAe ʼe Feala Ai Ke Au Toʼo Taku Selevisi Pionie Vaeluaʼi Temi?
Ko te meʼa ʼae neʼe ha kia Esekiele ʼo ʼuhiga mo te fale lotu ʼe mahino mai ai ko te hahaʼi ʼa Sehova ʼe natou fai he ʼu sakilifisio ʼaki he loto ʼe lelei. ʼE feafeaʼi hatatou momoli he ʼu sakilifisio fakavikiviki?—Hep 13:15, 16.
ʼE feala te faʼahi ʼaia, ʼaki hatatou toʼo te selevisi pionie vaeluaʼi temi. ʼI te taʼu gaue 2018 ʼe lahi ai te ʼu mahina ʼe Moeaki peʼe ʼAhotapu nima. Ko te selevisi ʼaia ʼe tokoni tafito kia natou ʼae ʼe gaue ʼaho katoa ʼi te malama pea ʼe hoki natou faifakamafola pe ʼi te ʼu fakaʼosi vahaʼa. Pea tahi, ʼe feala kia natou ʼaia ke natou filifili peʼe ʼe natou fai ni hola ʼe 30 peʼe 50 lolotoga te ʼu mahina ʼo Malesio pea mo Apelili pe ʼe ʼi te mahina ʼae ʼe ʼaʼahi ai te kokelekasio e te taupau fakasiliko.
ʼE feafeaʼi la mo kapau ʼe mole feala ke tou toʼo te selevisi pionie vaeluaʼi temi? ʼE tonu ke tou faigaʼi ke tou faiva ʼi te minisitelio pea mo toe fakalahilahi atu ʼotatou hola. Pe ʼe tou toʼo te selevisi peʼe kailoa, ʼofa pe ke uga tatou ʼe totatou ʼofa kia Sehova ke tou foaki age te ʼu meʼa ʼae ʼe lelei tukupau lolotoga te taʼu gaue 2018.—Ose 14:2.
ʼE feafeaʼi haku faʼifaʼitakiʼi te faʼa fai ʼa Sabina Hernández?
SIOʼI TE ʼATA VITEO ʼAKI TE TOKONI ʼA SEHOVA, ʼE TEITEI PE KE AU FAI IA MEʼA FULI, PEA MO TALI KI TE ʼU FEHUʼI ʼAENI:
Kotea ʼae neʼe ina uga ia Sabina ke ina hikihiki tana selevisi maʼa Sehova?
ʼE fakalotomalohiʼi feafeaʼi tatou ʼe te faʼifaʼitaki ʼo Sabina?
Lolotoga te taʼu gaue 2018, ko te ʼu mahina fea ʼae ʼe feala ai ke ke toʼo te selevisi pionie vaeluaʼi temi?