“Ko Te Meʼa ʼAe Neʼe Fakatahiʼi e Te ʼAtua . . . ”

Neʼe fakamaʼua ʼi te Lao ʼa Moisese ki he tagata ʼe fia mavete mo tona ʼohoana ke ina fai he tohi mavete. Neʼe ko te fakatuʼutuʼu ʼaia ke ʼaua naʼa mavete vave te ʼu taumatuʼa. Kae, ʼi te temi ʼo Sesu, neʼe faigaʼi e te kau takitaki lotu ke faigafua pe he mavete. Neʼe feala ai ki te ʼu tagata ʼohoana ke mavete mo ʼonatou ʼohoana ʼi he faʼahiga meʼa pe. (nwtsty tokoni ki te ako ʼo Mko 10:4, 11) Neʼe fakatokagaʼi mai e Sesu ko te nofo ʼohoana neʼe ko he fakatuʼutuʼu mai ia Sehova. (Mko 10:2-12) Neʼe tonu ki te tagata mo tona ʼohoana ke nā liliu ko he “kakano ʼe tahi” ʼo talu ai. ʼE fakaha mai ʼi te Evaselio ʼo Mateo, ko te tupuʼaga pe ʼe tahi ʼi te Tohi-Tapu ʼe hoki fakagafua ai ke mavete he taumatuʼa: ʼE ko te ʼu “felaveʼi fakasino heʼe ʼaoga.”—Mat 19:9.

Ia ʼaho nei, ko te tokolahi ʼe mole manatu tahi mo Sesu ʼo ʼuhiga mo te nofo ʼohoana. Kae ʼe natou manatu tahi mo te kau Faliseo. Koia ʼae, ka natou tau ai mo he ʼu fihifihia, ʼe natou fia mavete fakavilivili atu aipe. Kae ki te kau Fakamoʼoni ʼa Sehova, ko te nonofo agatonu ʼa he taumatuʼa ki tanā fakapapau, ʼe maʼuhiga ʼaupito. Koia ʼe natou faigaʼi ai ke natou ʼutakiʼi ʼonatou faigataʼaʼia ʼaki te maʼuliʼi ʼo te ʼu pelesepeto Fakatohi-Tapu. Hili te vakaʼi ʼo te ʼata viteo ʼE Logo Tahi Te ʼu Famili ʼi Te ʼOfa Mo Te Fakaʼapaʼapa, pea tali ki te ʼu fehuʼi ʼaeni:

• 

  ʼI te maʼuli fakataumatuʼa ʼe feafeaʼi hau maʼuliʼi ia Taaga Lea 15:1? Pea he koʼe ʼe maʼuhiga?

• ʼE feafeaʼi hau tekeʼi te ʼu fihifihia ʼaki tau maʼuliʼi ia Taaga Lea 19: 11?

• Kapau ʼe ke fia mavete mo tou ʼohoana, kotea te ʼu fehuʼi ʼae ʼe tonu ke ke fakakaukauʼi?

• ʼO mulimuli ki te manatu ʼo Mateo 7:12, ʼe feafeaʼi anai hau liliu ko he tagata peʼe ko he fafine ʼohoana ʼe lelei?