Kotea Anai Te Manatu ʼa Sehova?

ʼI muʼa ʼo hatatou toʼo he tonu pe ʼe maʼuhiga peʼe kailoa, ʼe tou feʼekeʼaki koa pe ʼe feafeaʼi te manatu ʼa Sehova? Logo la tatatou mole mahino fuli ki te ʼu manatu ʼa Sehova, kae ʼe ina fakaha lelei mai ʼi tana Folafola ke tou tokalelei ki te fai ʼo “te ʼu gaue lelei fuli.” (2Ti 3:16, 17; Lom 11:33, 34) Neʼe mahino lelei ia Sesu ki te finegalo ʼo Sehova ʼo ina fakamuʼamuʼa ai ʼi tona maʼuli. (Soa 4:34) ʼI tatatou faʼifaʼitakiʼi ia Sesu, tou faiga malohi ke tou fai ni tonu ʼe fakafiafiaʼi ai ia Sehova.—Soa 8:28, 29; Efe 5:15-17.

VAKAʼI TE ʼATA VITEO KE KOTOU MAHINO PE KOTEA TE FINEGALO ʼO SEHOVA (LE 19:18), PEA MO TALI KI TE ʼU FEHUʼI ʼAENI:

• He koʼe ʼe maʼua ke tou muliʼi te ʼu pelesepeto Fakatohi-tapu ʼi totatou maʼuli?

• Kotea te ʼu pelesepeto ʼae ʼe ina takitaki tatou moka tou filifili he faʼahiga musika ke tou fakalogo?

• Kotea te ʼu pelesepeto ʼae ʼe ina takitaki tatatou faʼahiga teuteu mo totatou faʼahiga faʼu ʼo totatou ʼulu?

• Kotea te tahi atu faʼahi ʼi totatou maʼuli ʼe tonu ai ke tou muliʼi te ʼu pelesepeto Fakatohi-tapu?

• ʼE feafeaʼi hatatou hikihiki tatatou mahino lelei ki te meʼa ʼae ʼe loto e Sehova ke tou fai?