“Kotou Filifili Fakalelei Takotou ʼu Fakafiafia”

He koʼe ʼe tonu ke tou filifili fakalelei ʼatatou fakafiafia? Koteʼuhi ka tou filifili he ʼata peʼe ko he musika, peʼe ko te vakaʼi ʼo te Neti, peʼe ko he tohi peʼe ko he kiʼi meʼa gaoʼi viteo, ʼe tou filifili pe te meʼa ʼae ʼe tou fafaga ʼaki ʼotatou ʼatamai. Pea ʼe ha pe ʼi ʼatatou aga. Kae meʼa fakaʼofaʼofa foki, he ʼe ʼi te temi ʼaeni ʼe lahi te ʼu fakafiafia ʼe mole leleiʼia e Sehova. (Pes 11:5; Kal 5:19-21) Ko te tupuʼaga la ʼaia ʼo te fakatotonu mai e te Tohi-Tapu, ke tou haga vakaʼi te ʼu meʼa ʼae ʼe tuha ke fakakololiaʼi ai ia Sehova.—Flp 4:8.

VAKAʼI TE ʼATA VITEO KO TE FAʼAHIGA FAKAFIAFIA FEA ʼAE ʼE TONU KE AU FILIFILI?, PEA MO TALI KI TE ʼU FEHUʼI ʼAENI:

• 

  Kotea ʼae ʼe tatau ai te ʼu gaoʼi fetauʼaki ʼa te ʼu tagata agamalohi ʼo Loma ʼi te temi muʼa, pea mo te ʼu fakafiafia ʼo te temi nei?

• 

  Kotea he tokoni ʼe fai e te kokelekasio ki te kau tupulaga ke natou filifili he fakafiafia ʼe lelei?

• 

  Kotea te tokoni ʼe tou maʼu ia Loma 12:9 moka tou filifili he fakafiafia?

• 

  Kotea te ʼu faʼahiga fakafiafia lelei ʼe fai ʼi ʼokotou tafaʼaki?