Kotea ʼAe ʼe Maʼuhiga ʼAupito Kia Au?

Neʼe fagatua ia Sakopo mo te ʼaselo ke ina maʼu te tapuakina ʼa Sehova. (Sen 32:24-31; Ose 12:3, 4) Kae ʼe feafeaʼi kia tatou? ʼE tou faiga malohi koa ke tou fakalogo kia Sehova pea mo maʼu tana tapuakina? Ohage la, mo kapau ʼe tonu ke ke filifili ke ke kau ki te ʼu fono peʼe ke gaue hola fakalaka, kotea anai ka ke fai? Ka tou foaki kia Sehova totatou temi, mo totatou malohi pea mo ʼotatou koloa, ʼe ina foaki moʼoni anai kia tatou ‘he tapuakina lahi ʼosi.’ (Mal 3:10) ʼE ina takitaki anai mo puipui tatou pea mo foaki te ʼu meʼa ʼae ʼe ʼaoga kia tatou.—Mat 6:33; Hep 13:5.

VAKAʼI TE ʼATA VITEO MANATUʼI ʼAU FAKATUʼUTUʼU FAKALAUMALIE, PEA MO TALI KI TE ʼU FEHUʼI ʼAENI:

• 

  Neʼe ʼahiʼahiʼi feafeaʼi te tuagaʼane e he aluʼaga neʼe ina leleiʼia?

• 

  ʼE liliu feafeaʼi tatatou gaue ko he ʼahiʼahi kia tatou?

• 

  He koʼe neʼe ʼaoga kia Timoteo ke hoko atu pe tana fai he ʼu fakatuʼutuʼu fakalaumalie logo la neʼe ko he Kilisitiano kua fotufotuʼa?—1Ti 4:16

• 

  ʼE feafeaʼi hatatou fakaha ʼe maʼuhiga ʼaupito totatou gaue fakalaumalie?