Ke Ke Fakavikiviki Kia Sehova Moka Ke Pionie

Neʼe maʼu e te kau Iselaele he ʼu tupuʼaga fakaofoofo ke natou fakavikiviki ai kia Sehova. Neʼe ina fakamavae natou mai Esipito, pea mo haofaki natou mai te kau tau ʼa Falaone. (Ek 15:1, 2) Pea ʼi te ʼaho nei ʼe kei hoko atu pe tana fakaha tona ʼofa ki tana hahaʼi. ʼE feafeaʼi hatatou lotofakafetaʼi kia te ia?—Pes 116:12.

ʼE feala ke tou toʼo te selevisi pionie vaeluaʼi temi peʼe katoa. ʼE feala ke ke faikole kia Sehova ke ina foaki atu te fakaʼamu, pea mo te malohi ʼae ke ke pionie. (Flp 2:13) Tokolahi ʼe natou kamata ʼaki te selevisi pionie vaeluaʼi temi. ʼE feala pe ke ke fakatuʼutuʼu ke ke fai ni hola ʼe 30 peʼe 50 ʼi te ʼu mahina ko Malesio mo Apelili, pea mo te mahina ʼae ʼe ʼaʼahi ai tau kokelekasio e te taupau ʼo te siliko. ʼI tau fiafia ʼi te selevisi vaeluaʼi temi, ʼe lagi ʼe ke fia pionie katoa anai. Maʼia mo te kau faifakamafola ʼae ʼe gaue temi katoa ʼi te malama peʼe mahamahaki, ʼe natou pionie katoa. (mwb16.07 8) ʼE mahino ia ʼe tuha mo Sehova ke tou faiga malohi ke tou fakavikiviki kia te ia.—1Kk 16:25.

VAKAʼI TE ʼATA VITEO KO TE TAU TEHINA ʼE TOKO TOLU ʼI MONGOLIE, PEA MO TALI KI TE ʼU FEHUʼI ʼAENI:

• 

  Kotea te ʼu faigataʼaʼia neʼe tauʼi e te tau tehina ʼe toko tolu ʼaia ke natou liliu ai ʼo pionie?

• 

  Kotea te ʼu tapuakina neʼe natou maʼu?

• 

  Kotea te tahi atu selevisi kua natou maʼu he neʼe natou pionie katoa?

• 

  Neʼe malave feafeaʼi tanatou faʼifaʼitaki ki ʼihi?