Ko Te ʼOhoana ʼe Ko He Fakapapau Ki Te Mate

Ka lelei te nofo ʼohoana ʼe tou fakavikiviki ai kia Sehova pea ʼe fiafia ia te tagata ʼo feia mo tona ʼohoana. (Mko 10:9) Kapau ʼe tou loto ke tologa pea mo fiafia ia te nofo ʼohoana, ʼe tonu ke tou mulimuli fakalelei ki te ʼu pelesepeto Fakatohi-tapu moka tou filifili he tahi ke tou ʼohoanaʼi.

Tou atalitali ke fakalaka muʼa te “temi tupulaga.” ʼE ko he temi nounou ʼe malohi ai te ʼu holi ʼo te kakano, pea ʼe feala ke mole tou toʼo he tonu fakapotopoto. (1Ko 7:36) Tou fakaʼaogaʼi lelei te ʼu taʼu ʼae ʼe kei tou selipatea ai ke malohi ʼatatou felogoi mo te ʼAtua pea ke tou maʼuliʼi te ʼu kalitate fakakilisitiano. Pea ʼe ke tokalelei anai ke ke tokoni ki te fiafia ʼo te maʼuli fakataumatuʼa.

ʼI muʼa ʼo tau tali ke ke ʼohoana mo he tahi, toʼo he temi feʼauga ke ke iloʼi te ʼu meʼa ʼae ʼi tona “loto.” (1Pe 3:4) Kapau ʼe ke tokagaʼi ni aluʼaga maʼuhiga, pea ʼe tonu ke kolua palalau ki ai. Ohage pe ko felogoi fuli, ʼi he ʼohoana ʼe tonu ke tou tokaga tafito ki te ʼu meʼa ʼae ʼe feala ke tou foaki ʼi ʼae ʼe tou tali. (Flp 2:3,4) Kapau ʼe kolua maʼuliʼi te ʼu pelesepeto fakatohi-tapu ʼi muʼa ʼo te ʼohoana, pea ʼe ko he tafitoʼaga lelei ʼaia ki he maʼuli fakataumatuʼa ʼe fiafia.

SIOʼI TE ʼATA TEUTEU KI TE ʼOHOANA—KOGA 3: “FAKAFUAFUA TONA TOTOGI” PEA MO TALI KI TE ʼU FEHUʼI ʼAENI:

• Neʼe fakaalualu ʼo feafeaʼi te felogoi ʼa te tuagaʼane mo Shane?

• Kotea leva neʼe ina tokagaʼi ʼi te hoko atu ʼo tanā felogoi?

• Neʼe tokoni feafeaʼi ʼana matuʼa kia ia, pea kotea leva te tonu fakapotopoto neʼe ina fai?