“Haga Foaki”

Neʼe ui e Sesu ka lotofoaki he tahi, ʼe toe lotofoaki te hahaʼi kia ia. (Luk 6:38) Ka kotou haga foaki, ʼe kotou uga te ʼu tehina mo tuagaʼane ke natou agalelei mo lotofoaki mo natou.

ʼE kau ia te lotofoaki ki tatatou tauhi. ʼE tokagaʼi e Sehova ia natou ʼae ʼe lotofoaki ki ʼonatou tehina mo tuagaʼane ʼae ʼe nofo ʼi te faigataʼaʼia, pea ʼe ina fakapale anai natou.​—Taa 19:17.

SIOʼI TE ʼATA ʼE MATOU FAKAFETAʼI KI TAKOTOU LOTOFOAKI, PEA MO TALI KI TE ʼU FEHUʼI ʼAENI:

• ʼE fakaʼaogaʼi feafeaʼi ʼotatou meʼa ʼofa ?

• He koʼe ʼe tonu ke tou haga foaki ni meʼa ʼofa, tatau aipe pe ʼe mole faʼa maʼuhiga?​—Toe vakaʼi te alatike ʼi te jw.org “Comment le superflu des uns compense le manque des autres.”