ʼE Tokoni Atu Ki Tau Ako
ʼE ke leleiʼia koa te lau ʼo te ʼu fakamatala ʼo te maʼuli ʼo te ʼu tehina mo tuagaʼane?
ʼI te uhu fuli, ʼe lau e he taumatuʼa he fakamatala ʼi te ʼu alatike ʼae “Tonatou Maʼuli.” ʼE nā ui: “ ʼE fakatupu fiafia mo fakalotomalohi kia maua te ʼu fakamatala ʼaia. ʼE fakamanatuʼi mai kia maua ʼe feala pe hamā nofo agatonu ʼi te ʼu aluʼaga fuli.” Neʼe toe manatu feia te tahi tuagaʼane. Neʼe ina tohi fenei: “Ko te ʼu fakamatala ʼaia ʼe fakaloto fimalie, mo malave loto pea mo fakaloto mafana. ʼE lahi te ʼu fakatuʼutuʼu neʼe fai e te ʼu tehina mo tuagaʼane ʼaia pea ʼe ʼi ai tona ʼuhiga. ʼE uga au e te ʼu fakamatala ʼaia ke au hikihiki taku faifakamafola pea ʼe toe tokoni mai ke au fakalotomalohiʼi ʼaku fanau ke natou toʼo te selevisi temi katoa maʼa Sehova.”
ʼE feala ke uga koe e te ʼu fakamatala ʼaia ke ke fai he tahi ʼu gaue maʼa Sehova, mo ke tauʼi ʼou vaivaiʼaga, pea mo ke ʼutakiʼi he ʼu faigataʼaʼia ʼaki he fiafia mo he fiameʼameʼa ʼi tau tauhi ʼae kia Sehova. ʼE feafeaʼi tau maʼu te ʼu fakamatala ʼaia?
Vakaʼi te kupu “Neʼe Fetogi Te ʼu Maʼuli ʼUhi Ko Te Tohi-Tapu” ʼi te jw.org peʼe ʼi te JW Library®.