ʼE Tokoni Atu Ki Tau Fakaʼaogaʼi Tamatou Pasina ʼi Te Neti

Ke Ke Maʼu Te ʼu Alatike ʼi Te ʼUluaki Pasina

Tokolahi ʼi ʼotatou tehina mo tuagaʼane ʼe natou fakaʼaogaʼi te ʼu alatike ʼi te ʼuluaki pasina ʼo te jw.org ʼi te faifakamafola. ʼE faigafua te momoli ʼo te ʼu alatike ʼaia pea ʼe tau fakaha ai pe ʼe fakahoko feafeaʼi e te ʼu aluaga ʼae ʼe hoko ʼi te malamanei ia te ʼu lea fakapolofeta. Neʼe tohi e te tahi ʼi ʼotatou tehina ko te ʼu alatike ʼae ʼi te ʼuluaki pasina ʼe ʼaoga ʼosi kia tatou ʼi te faifakamafola he ʼe tou palalau ai ki te ʼu aluʼaga pe ʼae ʼe hoko ʼi totatou temi.

Kae ʼe feafeaʼi hau maʼu he tahi ʼu manatu ʼi te ʼuluaki pasina? Ka ke avahi te jw.org, ʼi te ʼuluaki pasina, lomiʼi “Te Tahi ʼu Manatu” pea ʼe feala anai hau lau te ʼu alatike ʼaia he ʼe ʼi ai tona pikipikiga mo te ʼuluaki pasina.